पोखरा ।  सरकारले प्रहरी महानिरीक्षक  (आइजिपी) मा वसन्त कुँवरलाई नियुक्त गरेको छ। शुक्रबार प्रधानमन्त्री कार्यालय सिंहदरबारमा बसेको मन्त्रिपरिषद् बैठकले प्रहरी अतिरिक्त महानिरीक्षक एआइजी वसन्तबहादुर कुँवरलाई आइजिपी नियुक्त गर्ने निर्णय गरेको हो।

सरकारको निर्णयसँगै कुँवर नेपाल प्रहरीको ३०औं प्रहरी महानिरीक्षक बन्नेछन्। प्रहरी महानिरीक्षकका पाँच प्रतिस्पर्धीमध्ये कुँवर वरियतामा पहिलो नम्बरमा थिए।

५ चैत २०५१ मा इन्स्पेक्टरबाट प्रहरी सेवामा प्रवेश गरेका कुँवर वरिष्ठ उपरीक्षकबाट प्रहरी नायब महानिरीक्षकमा बढुवा हुँदा एक नम्बर वरियतामा बढुवा भए।

मन्त्रिपरिषद् बैठकले ६ चैतमा कुँवरसहित ५ जनालाई प्रहरी अतिरिक्त महानिरीक्षकमा बढुवा गरेको थियो। १८ वैशाख २०७९ मा आइजिपी नियुक्त भएका धीरजप्रताप सिंह भोलिदेखि सेवानिवृत्त हुँदै छन्।