पोखरा । पोखरा नगर रेष्टुरेन्ट तथा बार एसोसिएसन (सिटी रेवान) पोखराको अध्यक्षमा दीपक तिमिल्सिना सर्वसम्मत निर्वाचित भएका छन् ।

संस्थाको शुक्रबार आठौं अधिवेशनले उनको अध्यक्षतामा १३ सदस्सीय नयाँ नेतृत्व चयन गरेको हो ।

एसोसिएसन उपाध्यक्षमा रामप्रसाद ज्ञवाली, महिला उपाध्यक्ष तुलसा जिसी, महासचिव मनोज केसी, सचिव केशव घिमिरे र कोषाध्यक्ष प्रेम सापकोटा चयन भए । सदस्यमा बुद्धि पौडेल, वासुदेव दाहाल, शरण गुरुङ, पार्वती लम्साल बराल, सुमिता सिंह, विष्णु शर्मा र लुमाकुमारी कुँवर निर्विरोध भए । संस्थाको कार्यकाल ३ वर्षको हुनेछ ।

होटल व्यवसायी महासंघ नेपालका अध्यक्ष दिनेशकुमार चुकेले अधिवेशनको उद्घाटन गरेका थिए । सो अवसरमा उनले व्यवसायीको समस्या समाधानका लागि सरकारले काम गर्नुपर्नेमा जोड दिए।