पोखरा । लागुऔषधको मौखिक प्रतिस्थापन उपचार (ओएसटी) पद्धतिको प्रभावकारी कार्यान्वयनका लागि सामूहिक प्रयासको आवश्यकता औंल्याइएको छ ।
कम्युनिटी सपोर्ट ग्रुप नेपालले बिहीबार पोखरामा आयोजना गरेको सरोकारवालाहरूसँगको समन्वयतात्मक बैठकमा कार्यक्रमलाई वृहत र प्रभावकारी रुपमा अगाडि बढाउन समाजका धेरै पक्षको सहकार्य आवश्यक पर्ने विषयमा चर्चा गरिएको थियो ।
नेपाल सरकार स्वास्थ्य तथा जनसंख्या मन्त्रालयको सहयोगमा पोखरा स्वास्थ्य विज्ञान प्रतिष्ठान पश्चिमाञ्चल क्षेत्रीय अस्पताल पोखरामा २०६६ जेठदेखि ओएसटी कार्यक्रम सञ्चालन हुँदै आएको छ । यसप्रकारको कार्यक्रमलाई जनस्तरमा पु¥याउन सम्बन्धित सबै पक्ष समन्वयात्मक रुपमा अगाडि बढ्नुपर्ने र तल्लोस्तर सम्म नै कार्यक्रमबारे जानकारी पु¥याउन सके क्षति न्यूनीकरणमा बल पुग्ने विषयमा छलफल गरिएको थियो ।
यो उपचार पद्धति नेपाल सरकारको लागूऔषध मौखिक प्रतिस्थापन उपचार पद्धति निर्देशिका २०७० अनुसार गरिन्छ । यस उपचार पद्धतिले सुइद्वारा लागुऔषध सेवनकर्ताको संख्या कम गर्दछ । सुईद्वारा लागुऔषध प्रयोगकर्ताहरू बिच सुई÷सिरिन्जको साझा प्रयोगबाट हुनसक्ने एचआइभी संक्रमणको जोखिम कम गर्दछ साथै एचआइभी संक्रमितहरुको एआरभी सेवामा निरन्तरता बढाउँछ ।
यस उपचार पद्धतिले सुइद्वारा लागुऔषध सेवनकर्ताको संख्या कम गर्दछ
यो उपचार पद्धति अफिमजन्य लागूऔषधको लत लागेका वा निर्भर भएका व्यक्तिहरूका लागि नेपाल सरकारद्वारा स्वीकृत एक सुरक्षित र दीर्घकालीन उपचार पद्धति भएको अस्पतालमा सञ्चालित ओएसटी कार्यक्रमका संयोजक डा. राजन शर्माले जानकारी दिए । उनका अनुसार नेपालमा यस उपचार पद्धतिमा मेथाडोन र ब्युप्रिनर्फिनको प्रयोग गरिन्छ । यो उपचार पद्धति क्षति–न्यूनीकरण पद्धतिको एक भाग हो ।
मौखिक प्रतिस्थापन पद्धति डाक्टर तथा तालिमप्राप्त स्वास्थ्य कर्मचारीको प्रत्यक्ष निगरानीमा दैनिक सेवन गराइन्छ । मौखिक प्रतिस्थापन उपचार पद्धति सेवा लिने व्यक्तिलाई लागुऔषध प्रयोगकर्ता मानिदैन । हाल पश्चिमाञ्चल क्षेत्रीय अस्पताल स्थित ओएसटी केन्द्रमा मेथाडोन र ब्युप्रिनर्फिन प्रदान गरी एक सय जनालाई निशुल्क सेवा प्रदान हुँदै आएको कम्प्युनिटी सपोर्ट ग्रुप पोखरा– ओएसटी कार्यक्रम अधिकृत रचना शाही ठकुरीले जानकारी दिइन् । नाफारहित, गैरसरकारी संस्थाको रुपमा सिएसजीले कास्की, तनहुँ, स्याङ्जा र पर्वत जिल्लामा विगत करिब दुई दशकदेखि एचआईभी र लागुऔषधको सवालमा अनवरत रुपमा कार्य गर्दै आइरहेको उनले बताइन् । कार्यक्रमको सन् २०२२ को वार्षिक प्रतिवेदन पनि प्रस्तुत गरिएको उनले जानकारी दिइन् ।
ओएसटी. निरन्तर प्रयोग गर्दा लागुऔषधको तलतल मेटिने, लागुऔषधी सेवन गर्न नपाउँदा देखापर्ने शारीरिक कष्टकर लक्षणहरू कम हुने, सुईद्वारा लागुऔषध प्रयोग गर्दा हुनसक्ने स्वास्थ्य जटिलताहरूमा न्यूनता आउने जनाइएको छ । ओभरडोजको कारण हुन सक्ने मृत्युको जोखिमलाई कम गर्ने, घरेलु हिंसा कम भई परिवारमा मेलमिलाप र मायाप्रेम बढ्ने, आपराधिक व्यवहारलाई कमी आउने, व्यक्तिको जीवनस्तर बढ्नाका साथै उत्पादकत्व बढाउने र व्यक्तिको सामाजिक तथा आर्थिक अवस्था राम्रो बनाउन सहयोग गर्ने जस्ता फाइदा पनि रहेका छन् । एआरटी, क्षयरोग उपचार, एचआइभी तथा हेपाटाइटिस बी, सी जस्ता रगतजन्य संक्रमणबाट बचाउन पनि सहयोग पुग्छ । कार्यक्रममा अस्पतालस्थित ओएसटी कार्यक्रमका लजिस्टिक अफिसर ज्ञानीप्रसाद बरालले पनि भनाइ राखेका थिए ।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१