पोखरा । नवीन श्रेष्ठले तेस्रो संस्करणको रेबान पोखरा कप भेट्रान्स टेनिस प्रतियोगिता उपाधि जितेका छन् । आइतबार भएको फाइनल खेलमा डिफेन्डिङ च्याम्पियन राजन पौडेललाई पराजित गर्दै नवीनले पहिलोपटक उपाधि हात पारेका हुन् ।
पोखरा रंगशालामा भएको प्रतियोगितामा पहिलो सेटमा ४–२ ले पछि परेका पौडेलले उत्कृष्ट कमब्याक गर्दै ४–६ ले खेल आफ्नो पक्षमा पारे । तर दोस्रो र तेस्रो सेट गुमाउँदा पौडेल उपविजेता बने । नवीनले दोस्रो सेट ६–२ ले तथा तेस्रो सेट सुपर टाइमा ९–२ ले आफ्नो पोल्टामा पारेका थिए ।
मेन्स डबल्सतर्फकाे उपाधि अनुजकुमार बाँस्तोला र नवीन श्रेष्ठको जोडीले जितेको छ । गोपीबहादुर भट्टराई र सूर्यबहादुर भुजेलविरुद्ध फाइनल खेलमा ६–१, ६–१ को सहज नतिजा निकाल्दै अनुज र नवीनको जोडीले उपाधि आफ्नो पक्षमा पारेका हुन् । जीतसँगै विजयी खेलाडीले नगद १० हजार तथा उपविजेता खेलाडीले नगद ५ हजारसहित ट्रफी पुरस्कार प्राप्त गरेका छन् । प्रतियोगितामा नवप्रवेशीतर्फ दुर्गा सुनार विजेता तथा सिरोज कोइराला उपविजेता बने । उनीहरुले ट्रफी पुरस्कार प्राप्त गरे ।
प्रतियोगिता समापन समारोहका प्रमुख अतिथि रेबान पोखराका वरिष्ठ उपाध्यक्ष विश्वराज पौडेलले विजयी खेलाडीलाई नगद तथा ट्रफी वितरण गरे । उनले स्वास्थ्य, भाइचारा र खेल पर्यटन विकासमा प्रतियोगिता महŒवपूर्ण रहेको बताए ।
कास्की जिल्ला टेनिस संघका अध्यक्ष लोक गुरुङको अध्यक्षतामा भएका कार्यक्रममा नेपाल प्रहरीका पूर्व डिआइजी केशव अधिकारी, पश्चिमाञ्चल क्षेत्रीय खेलकुद विकास समितिका पूर्व उपाध्यक्ष सुनील गुरुङ, केन्द्रीय उपाध्यक्ष विनोद कायस्थ, जिल्ला उपाध्यक्ष नवीन चालिसे लगायतले बोलेका थिए ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
चुमानलाई अर्थ, मनाङेलाई भौतिक पूर्वाधार मन्त्रालयको जिम्मा
हेमराज पहारी स्मृति पुरस्कारबाट सरुभक्त पुरस्कृत
वैशाख ७, २०८१गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१