पोखरा । ताओ एसोसिएसन पोखराले दीर्घरोग र यसको व्यवस्थापनमा रैथाने अन्नबालीको उपयोगबारे अन्तक्र्रिया गरेको छ ।

कार्यक्रममा डा. सुधाश्री अधिकारी र डा. केशव भट्टराईले सहजीकरण गर्दै स्थानीय जातका गहुँ, कोदो, जौं, फापर, काउनो आदिको उचित प्रयोगबाट नै सुगर, पे्रसर लगायतका रोग नियन्त्रण गर्न सकिने बताए ।
गेडागुडी भिजाएर अंकुरण गरेर खाँदा बढी पोषणतत्व प्राप्त हुने र खाना अघि सलाद लिनु उपयुक्त हुने चिकित्सकले जनाए ।

कार्यक्रममा स्वतन्त्र पत्रकार संघ नेपालका अध्यक्ष कृष्णप्रसाद बास्तोलाले जनहितका विविध कार्यक्रम आयोजनाले ‘ताओ भनेको असल बाटो हो’ भन्ने विषयलाई सार्थक बनाएको बताए ।

ताओ गुरुद्वय आनन्द दाहाल र क्या. लालप्रसाद गुरुङले ताओ एसोसिएसनका गतिविधिबारे प्रकाश पारेका थिए ।