लमजुङ । मालिङ युवा क्लब आयोजनामा दोस्रो मालिङ कप फुटबल प्रतियोगिता सुरु भएको छ ।

‘खेल विकासमा युवाहरुको सहभागिता, पर्यटन प्रवद्र्धनको लागि फुटबल प्रतियोगिता’ नाराका साथ क्व्होलासोथार–२ मालिङमा प्रतियोगिता सुरु भएको हो ।

गाउँपालिका अध्यक्ष सूर्यप्रसाद गुरुङले प्रतियोगिताको उद्घाटन गरे ।

उद्घाटन अवसरमा भएको मैत्रिपूर्ण खेलमा आयोजक ए टिमलाई हराउँदै त्रिवेणी युवा क्लबको पूर्व खेलाडीहरूको समूहले खसी पुरस्कार जितेको छ ।

यस्तै, इलाइटी फुटबल क्लब पोखरा ‘ए’ र घनपोखरा युवा क्लबबीच खेल भएकोमा घनपोखरा ५–० गोलअन्तरले विजयी भयो । प्रतियोगितामा ३२ टिमले भाग लिएका छन् ।

पहिलो हुने टिमलाई १ लाख ११ हजार साथमा ट्रफी, मेडल, र प्रमाणपत्र प्रदान गरिने आयोजक मालिङ युवा क्लब अध्यक्ष खिमप्रसाद गुरुङले जानकारी दिए । उपविजेताले ५५ हजार ५ सय ५५ ट्रफी, मेडल र प्रमाणपत्र प्रदान गरिने छ ।

त्यस्तै, सेमिफाइनलसम्म पुग्ने २ टिमलाई ७÷७ हजार रुपैयाँ प्रदान गरिने छ । उत्कृष्ट खेलाडी, सर्वाधिक गोलकर्ता र उत्कृष्ट गोलकिपरलाई ५÷५ हजार नगदसहित मेडल र प्रमाणपत्र प्रदान गरिने आयोजकले जनायो ।