तेजबहादुरलाई समाजसेवा पुरस्कार

आदर्श समाज सम्वाददाता
चैत्र ३, २०७९
prize

पोखरा । समाजसेवी तेजबहादुर गुरुङलाई नरहरि देवकोटा स्मृति समाजसेवा पुरस्कार प्रदान गरिएको छ ।

पोखरा १६ बाटुलेचौरको हिमालय क्लबद्वारा संचालित १५ हजार राशिको सो पुरस्कार बाटुलेचौरमा आयोजित एक कार्यक्रममा पूर्व प्रदेश प्रमुख सोमनाथ अधिकारी प्यासीले उनलाई हस्तान्तरण गरेका हुन् ।

यस्तै, स्व. पवित्र प्रेमनारायण स्मृति शैक्षिक पुरस्कार विन्ध्यवासिनी कक्षा १२ को परीक्षामा उत्कृष्ट अंक ल्याउने रस्मिता गौतम र युवराज रेग्मीलाई नगद ५ हजार रुपैयाँ प्रदान गरिएको छ । साथै पोखरा १६ निवासी एकलमहिला बाटुली सुनार र शान्ति परियारलाई जनही २ हजार रुपैयाँ प्रदान गरियो ।

कर्यक्रममा नवआदर्श सामुदायिक विकास समाजका नवनिर्वाचित अध्यक्ष स्वागतमानसिंह भण्डारीसहितको पदाधिकारी तथा सदस्यलाई सम्मानसहित स्वागत गरिएको क्लब पूर्व अध्यक्ष मोहन थापाले बताए ।

पूर्व प्रदेश प्रमुख प्यासीले बिनास्वार्थ समाजसेवाको क्षेत्रमा लाग्ने व्यक्तिलाई राज्यले उचित कदर गर्नुपर्ने बताए । क्लब अध्यक्ष सुशील बस्नेतको अध्यक्षतामा भएको कार्यक्रममा पोखरा १६ का वडाध्यक्ष अमृत शर्मा तिमिल्सिना, क्लबका मानार्थ सदस्य बेनीबहादुर बस्नेत, पूर्व अध्यक्ष मोहन थापा, नवआदर्श सामुदायिक विकास समाजका अध्यक्ष स्वागतमानसिंह भण्डारी, दीप युनाइटेड क्लबका अध्यक्ष खेमराज आचार्य, कोपिला आमा समूह अध्यक्ष गीता थापा, सम्मानित व्यक्तित्व तेजबहादुर गुरुङ, विद्यार्थी रस्मिता गौतम लगायतले क्लबका कार्यको प्रशंसा गरेका थिए ।

कार्यक्रम क्लब सचिव शिवराज देवकोटाले संचालन गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width