पोखरा । प्रतिभा माध्यमिक विद्यालयमा दन्त शिविर भएको छ । मनिपाल शिक्षण अस्पतालको प्राविधिक सहयोगमा भएको निशुल्क दन्त शिविरमा विद्यालयका ४ सय १५ जना विद्यार्थीले दाँच जँचाएका थिए ।

शिविरमा कक्षा ६ देखि १० सम्मका विद्यार्थीको दाँत परीक्षण गरिएको थियो । परीक्षणपश्चात् औषधी वितरण गरिएको थियो भने जटिल समस्या देखिएकालाई अस्पताल रिफर गरिएको छ ।

शिविरको बिरामी पुर्जाको आधारमा मनिपाल शिक्षण अस्पतालले छुटको व्यवस्था गरेको अस्पतालले जनाएको छ ।

अस्पतालको सय स्वास्थ्य शिविर गर्ने योजानाअन्तर्गत प्रतिभा स्कुलमा सञ्चालित शिविर ११ औं कार्यक्रम भएको अस्पतालका सहायक बजार व्यवस्थापक खिमबहादुर लामिछानेले बताए ।