पोखरा । भीरकोट पोखरा बहुउद्देश्यीय सहकारीका सेयर सदस्यले स्वास्थ्य परीक्षणमा छुट पाउने भएका छन् ।

सहकारी र गण्डकी मेडिकल कलेज टिचिङ हस्पिटल एन्ड रिसर्च सेन्टरबीच सहमति अनुसार सेयर सदस्यले अबदेखि स्वास्थ्य परीक्षणमा छुट पाउने भएका हुन् ।
सहमतिपत्रमा हस्पिटलका तर्फबाट प्राचार्य डा.रवीन्द्रप्रसाद श्रेष्ठ र सहकारी अध्यक्ष टोलप्रसाद अर्यालले हस्ताक्षर गरेका छन् ।

सम्झौता अनुसार दर्तामा २०, बहिरंग सेवा, ल्याब, एक्सरे, इसिजी, युएसजी, सिटी स्क्यान, एमआरआईमा १०, अन्तरंगमा १० र दन्त सेवामा १५ प्रतिशत छुट पाउने उल्लेख छ ।

सहकारीले सेयर सदस्य र सेवाग्राहीलाई प्रमाणित गरेर पठाएपछि अस्पतालले सम्झौता बमोजिम तोकिएको छुट उपलब्ध गराउने छ ।