पोखरा। गण्डकी प्रदेश सभा सदस्य प्रकाश बराललाई पितृशोक परेको छ । पोखरा २२ स्थायी घर भएका सांसद बरालका बाबु लोकराज बरालको ८२ वर्षको उमेरमा शुक्रबार निधन भएको हो ।

हाल बिरौटामा बस्दै आएका लोकराजको साँझपख पौने ५ बजे निधन भएको हो । पोखराको राष्ट्रिय मावि, महेन्द्र मावि, शुक्रराज मावि, लक्ष्मी प्रावि, पात्ले सिम्ले, पामे, मौजा लगायतका विद्यालयमा लोकराजले लामो समय पढाए । उनका श्रीमती, ५ छोरा र ३ छोरी छन् ।

उनको छोरा प्रकाश बराल गण्डकी प्रदेशसभा सदस्य एवं जिल्ला खेलकुद विकास समिति कास्कीका निवर्तमान कार्यालय प्रमुख पनि हुन् । शनिबार पोखरा १७ पार्दी बिरौटबाट शव यात्रासहित पोखराको रामघाटमा अन्त्येष्टि गरिने छोरा ईन्द्रप्रसाद बरालले बताए ।