पोखरा । अर्ली मन्टेसरीमा मनिपाल शिक्षण अस्पताल पोखराको प्राविधिक सहयोगमा निशुल्क स्वास्थ्य परीक्षण गरिएको हो । पोखरा ५ मालेपाटनमा रहेको मन्टेसरीमा ५६ छात्र र ६५ छात्रा गरी कूल १ सय २१ जना छात्रछात्राले आँखाको स्वास्थ्य परीक्षण गराएका छन् ।

मनिपाल शिक्षण अस्पतालको सामुदायिक कर्तव्यअन्तर्गत आँखा शिविर गरिएको हो । अस्पतालको सामुदायिक कर्तव्यअन्तर्गत स्वास्थ्य शिविर गरिएको अस्पतालका सहायक बजार व्यवस्थापक खिमबहादुर लामिछानेले बताए ।

आँखामा जटिल समस्या देखिएका ५ जना बच्चालाई अस्पताल रिफर गरिएको लामिछनेले जानकारी दिए ।

आँखा शिविरले बच्चाहरुको आँखामा हुनसक्ने दीर्घकालीन समस्याबाट जोगाएको प्रिन्सिपल राधा गौतमले बताइन् ।