पोखरा। भलिबल खेलाडी उषा भण्डारीले ‘एनएसजेएफ पल्सर स्पोट्र्स अवार्ड अन्तर्गत पिपल्स च्वाइस विधामा अवार्ड जितेकी छिन् ।

काठमाडौंमा मंगलबार आयोजित अवार्ड वितरण समारोहमा उनले प्रतिस्पर्धामा रहेका अन्य ४ जनालाई पछि पार्दै दर्शकको पहिलो रोजाइ बनेकी हुन् ।

गण्डकी प्रदेश अन्तर्गत तनहुँकी उषा नेपाली महिला राष्ट्रिय भलिबल टोली सदस्य हुन् । उनी काठमाडौंमा पढ्छिन् ।

सो विधामा उनीसँगै फुलबलका अञ्जन विष्ट, क्रिकेटका आसिफ शेख, लन टेनिसकी अभिलाष विष्ट र पौडीकी डुवाना लामा थिए । भोटमार्फत विजेता घोषणा गरिएकोमा उषाले सर्वाधिक भोट प्राप्त गरेकी हुन् । उनको निकटतम प्रतिद्धन्द्धी फुटबलका अन्जन विष्ट थिए ।

१३औं दक्षिण एसियाली खेलकुदमा महिला टोलीमा डेब्यु गरेकी उषा टोलीको महत्वपूर्ण सदस्य हुन् । नेपाल पुलिसबाट विभिन्न प्रतियोगिता खेल्ने उनी सेन्ट्रल जोनको उपाधि नेपालले जित्दा पनि टोलीकी सदस्य थिइन् ।

पिपल्स च्वाइस अवार्डमा सबैभन्दा पहिलो २०६५ सालमा पोखराकी भलिबल खेलाडी मञ्जु गुरुङले उपाधि जितेकी थिइन् । त्यसयता, भलिबलटबाटै सिपोरा गुरुङ, सरस्वती चौधरी, रेश्मा भण्डारीले र अरुणा शाहीले सो उपाधि जितेका छन् ।

काठमाडौंमै हुर्की बढेकी उषा गत साता भोट माग्दै पोखरा आएकी थिइन् । उनलाई भलिबल संघ लगायत विभिन्न संघसंस्था एवं व्यक्ति विशेषले नगद सहयोग गरेका थिए । उनलाई जिताउन कप्तान अरुणा शाही लगायत दिनरात लागिपरेका थिए ।