पोखरा । वैदेशिक रोजगार शाखा तथा प्रतिनिधि संरक्षण संघ कास्की अध्यक्षमा सुजन श्रेष्ठ निर्वाचित भएका छन् । संस्थाको वरिष्ठ उपाध्यक्षमा घनश्याम गौतम, उपाध्यक्ष अर्जुन थापा, महासचिव विक्रम पोख्रेल, सचिव धीरज श्रेष्ठ, कोषाध्यक्ष सागिर अली, सहकोषाध्यक्ष नीरज खनाल लगायत १५ सदस्यीय कार्यसमिति चयन गरेको छ ।
संघ अध्यक्ष सोभित विकको अध्यक्षतामा भएको अधिवेशनको उद्घाटन गण्डकी प्रदेशका सामाजिक विकास मन्त्री पञ्चराम गुरुङले गरेका थिए । मन्त्री गुरूङले आफू पनि विदेशमा पसिना बेचेर आएको भन्दै आफूलाई श्रम र वैदेशिक रोजगारीको बाध्यता र पीडा जानकारी रहेको बताए । उनले रेमिट्यान्समार्फत वैदेशिक रोजगारले राज्यलाई दिएको योगदानको अवमूल्यन गरिनु न्यायोचित नहुने भन्दै यसभित्र रहेका कमीकमजोरी हटाउन सामूहिक प्रतिबद्धताको खाँचो रहेको बताए ।
कार्यक्रममा संघका पूर्व सचिव जगतमोहन गिरी, मेडिकल व्यवसायी प्रवेशचन्द्र उप्रेतीलगायत व्यवसायीले वैदेशिक रोजगारले रेमिट्यान्समार्फत गरिबको घरमा खरको छानो बदलेर टिनको छानो फेर्नेदेखि राज्यको अर्थतन्त्रमा महत्वपूर्ण योगदान दिए । उनीहरूले अनधिकृतरूपमा खोलिएका म्यानपावर कार्यालय र उनीहरूका एजेन्ट लगायतले गरेको गलत कामको दोष वैधानिक ढंगले विदेशमा कामदार पठाउने कम्पनीका शाखा सञ्चालकलाई दिन नहुने माग गरे ।
वैदशिक रोजगार देशको अर्थतन्त्रको मेरुदण्डको रुपमा स्थापित भइरहेको अवस्थामा सरकारी पक्षले अवैधानिक र वैधानिक पक्षको विश्लेषण गरेर व्यवहार गर्नुपर्नेमा पनि उनीहरूको जोड रहेको छ । संघका सचिव शा मोहम्मदले सञ्चालन गरेको कार्यक्रममा पोखरा तथा आसपासका करिब ५ दर्जनभन्दा बढी वैदेशिक रोजगार व्यवसायी र कर्मचारीलगायतको उपस्थित थियो ।
Related News
सम्बन्धित समाचार
सुनौली–मुक्तिनाथ धार्मिक मार्ग यात्रा सुरू
‘वन्यजन्तु संरक्षणमार्फत पर्यापर्यटन बढाऔं’
कथा सुन्न भक्तजनको आकर्षण
कन्या क्याम्पसमा प्राध्यापकको बिदाइ
हेमराज पहारी स्मृति पुरस्कारबाट सरुभक्त पुरस्कृत
hero news full width
मुख्य समाचार
गण्डकी प्रदेश सभाको बैठक अनिश्चितकालका लागि स्थगित
चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१