पोखरा । एजुकेट नेपाल प्रोजेक्ट रुकुमले रुकुम पूर्वका ग्रामीण क्षेत्रका विद्यालयका साढे १ हजार विद्यार्थीलाई शैक्षिक सामग्री वितरण गरेको छ । शैक्षिक सामग्री पोखराका विभिन्न विद्यालयमा अध्ययनरत विद्यार्थीहरुबाट ‘एक विद्यार्थी एक शैक्षिक सामग्री’ संकलन गरिएको थियो ।

रुकुम पूर्वका पुथा हिमालयन मावि, हिमालयन आधाभूत विद्यालय, नेपाल राष्ट्रिय आधारभूत विद्यालय, आधारभूत विद्यालयलगायत विद्यालयमै पुगेर विद्यार्थीलाई शैक्षिक सामग्री वितरण गरिएको कर्माफ्लाइट्सले जनाएको छ ।

कर्मा फ्लाइट्स फाउन्डेसनको सहजीकरणमा एजुकेट नेपालले रुकुम पूर्वका १ हजार ४ सय ६० विद्यार्थीलाई करिब १ वर्ष पुग्ने शैक्षिक सामग्री वितरण गरेको हो ।