पोखरा । पोखरा महानगरपालिका उपप्रमुख मञ्जुदेवी गुरुङले स्थानीय मौलिक बाजा संरक्षणमा महानगर लागिपरेको बताएकी छन् ।

पोखरा वडा ५ ले आयोजना गरेको मादल बजाउने तालिम समापनमा बोल्दै उनले स्थानीय बाजा संरक्षणका लागि यस्ता तालिमले भूमिका खेलेको बताइन् । ‘स्थानीय बाजा लोप हुँदै गएका बेला तालिमले संरक्षणमा भूमिका खेलेका छन,’ उनले भनिन् । घरटोलमा हुने विवाह, ब्रतबन्धनलगायत धार्मिक कार्यमा मौलिक र स्थानीय बाजा प्रयोग हुने गरेको भए पनि पछिल्लो समय लोप हुँदै गएकोप्रति उनले चिन्ता व्यक्त गरिन् ।

कार्यक्रममा पोखरा महानगर कार्यपालिका सदस्य हरिमाया विश्वकर्मा, वडा सदस्य कल्पना भुवाजी क्षत्री, प्रशिक्षार्थी कल्पना लामिछाने, प्रशिक्षक धर्मेन्द्र पौडेललगायत बोलेका थिए ।
वडाध्यक्ष विष्णुप्रसाद बरालको अध्यक्षतामा भएको तालिममा उत्कृष्ट विष्णु शर्मालाई मादल प्रदान गरिएको थियो ।