लमजुङ । लमजुङको फोर्जुङको गाउँ चिनारी म्युजिक भिडियो विमोचन गरिएको छ । दोर्दी गाँउपालिका– ५ स्थित फोर्जुङ गाउँको पर्यटन प्रवद्र्धनका लागि ६ लाख खर्चेर गुरुङ भाषामा आधारित म्युजिक भिडियो निर्माण गरिएको हो ।
दोर्दी गाउँपालिका– ५ का वडा अध्यक्ष कुमराज गुरुङले एक कार्यक्रमका बीच उक्त म्युजिक भिडियोको गरेका हुन् । वडाध्यक्ष गुरुङले गाउँको ऐतिहासिक, पर्यटकीय स्थलहरु, संस्कृति झल्कने यस भिडियो मार्फत देशविदेशमा फुर्जुङ गाउँको प्रचार हुने विश्वास व्यक्त गरे । युट्युब मार्फत् जहाँ बसेर पनि हेर्न मिल्ने भएकाले यसले गाँउको पर्यटन प्रबद्र्धनमा थप सहयोग पुग्ने धारणा वडाअध्यक्ष गुरुङले व्यक्त गर्दै गाउँको विकासका लागि सबैले हातेमालो गर्नुपर्नेमा जोड दिए ।
उक्त म्युजिक भिडियोमा स्थानीय गौचन गुरुङको शब्द तथा गायिका ममता गुरुङको स्वर छ । खुसबहादुर गुरुङको निर्देशनमा निर्मित् भिडियोमा संगीततर्फ ओमन गुरुङ र गणेश गुरुङको नृत्य निर्देशन रहेको छ । सो भिडियोमा स्थानीय कलाकार दिलकुमारी गुरुङ र सिमान गुरुङले अभियन गरेका छन् ।
उक्त म्युजिक भिडियो ६ लाख खर्चेर निर्माण गरिएको संयोजक गौचन गुरुङले बताए । उनका अनुसार उक्त भिडियोको शुभेच्छुक फिल्म प्रोडक्सन प्रालिको युट्युब च्यानलमा रिलिज गर्ने तयारी छ । उनले भने, ‘सो भिडियो निमार्णका लागि स्थानीय आमा समूह, देश विदेशमा रहेको स्थानीयबाट सहयोग प्राप्त भएको थियो ।’
भिडिओ निर्माण संयोजक एवं रचनाकार गौचन गुरुङको अध्यक्षता भएको विमोचन कार्यक्रममा फोर्जुङ टोल सुधार समितिका संयोजक अमर गुरुङ, नृत्य निर्देशक ओमन गुरुङ लगायतले शुभकामना मन्तव्य राखेका थिए । उक्त अवसरमा कुवापानी देवी आमा समूहका अध्यक्ष कुमारी गुरुङ, फोर्जुङ टोल सुधार समितिका सचिव सुरेश गुरुङ, गायक थमन गुरुङ, म्युजिक भिडियो निमार्ण समूह, गुरुङ चलचित्रकर्मी र स्थानीयको सभागिता थियो । कार्यक्रमको सञ्चालन स्थानीय विकल गुरुङले गरेका थिए ।
Related News
सम्बन्धित समाचार
पाइन खबर साँझमा हरिदेवीका गीत
अभिनेता एकै किसिमको भूमिकामा सीमित हुनु हुँदैन : अभिनेता आचार्य
पृथक निर्देशन र छायांकनको ‘रंगेली’
व्यावहारिक शिक्षामा जोड दिने ‘रिफण्ड’
पोखरामा महाकमेडी विथ महाजात्रा
hero news full width
मुख्य समाचार
चोटिलो बन्दै गण्डकीको संसदीय राजनीति
पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१