पोखरा । पोखरामा आइतबारदेखि सुरु १६ औं बिटी कप छैटौं विरेन स्मृति सेभेन ए साइड खुला फुटबल प्रतियोगिताअन्तर्गत दोस्रो दिन ८ खेल सम्पन्न भए ।

पुरानो टुँडिखेल मैदानमा सोमबार पहिलो खेलमा पृथ्वीनारायण क्याम्पसले नमस्ते ब्रदर्शलाई ट्राइबेकरमा ५–४ अन्तरले हरायो । निर्धारित समय गोलरहित भएपछि खेल ट्राइबेकरमा पुगेको थियो ।

बिटी क्लब सि र याम्दी एफसीबीच दोस्रो खेलको नतिजा पनि टाइब्रेकरबाट टुंगो लाग्यो । निर्धारित समयमा १–१ को बराबरीपछि बिटी क्लबले ट्राइबेकरमा ४–३ गोलअन्तरले जीत निकाल्यो ।

मेरो नेपाल क्लब र माइती गोर्खाजबीच खेल गोलरहित बराबरी भएकोमा ट्राइबेकरमा २–१ अन्तरले माइती गोर्खाज्ले जित्यो । यस्तै, हिमालय एफसीलाई जि नाइनले २–० ले हरायो ।

नवप्रतिभा एफसीले सपोर्ट डेभलपमेन्ट फोरमलाई ३–० र ब्रदर्श युनाइटेडले घान्द्रुकलाई ५–२ अन्तरले हराउँदै दोस्रो चरणमा प्रवेश गरे । दिव्यज्योति क्लबलाई त्रिशक्ति क्लबले २–० अन्तरले पराजित गर्दै अघिल्लो चरणमा प्रवेश ग¥यो । आठौं खेलमा शीतलज्योति क्लबले लामागाँउलाई ५–० को फराकिलो गोल अन्तरले पराजित गरेको छ । खेल संयोजक विनोद गुरुङका अनुसार मंगलबार पहिलो चरणको ६ र दोस्रो चरणका २ खेल हुने छन् ।

बुद्ध टोल युवा क्लबद्वारा आयोजित प्रतियोगिता १ फागुनसम्म चल्नेछ । विजेतालाई सिल्ड, मेडल तथा प्रमाणपत्रसहित १ लाख ६१ हजार रुपैयाँ प्रदान गरिने क्लब अध्यक्ष असिम थापाले जानकारी दिए ।

उपविजेताले सिल्ड, मेडल तथा प्रमाणपत्रसहित १ लाख १ हजार पाउनेछ । सर्वाेत्कृष्ट खेलाडीलाई ट्रफिसहित ८ हजारद्वारा पुरस्कृत गरिनेछ । उत्कृष्ट गोलरक्षक, डिफेन्डर, मिडफिल्डर र सर्वाधिक गोलकर्तालाई जनही ६ हजार र ट्रफी प्रदान गरिने छ भने अनुशासित टिमलाई ९ हजार दिइनेछ ।