पोखरा । गण्डकी प्रदेश सभाले आइतबार पाँचौं वार्षिकोत्सव मनाएको छ । वर्तमान र अघिल्लो कार्यकालका प्रदेश सभा सदस्य बोलाएर वार्षिकोत्सव मनाइएको हो । कार्यक्रममा बोल्ने सबैजसो वक्ताको एकै स्वर थियो, ‘संघीयतालाई सुदृढ पार्न संघ सरकारसँग एकाकार भएर जुध्न जरुरी छ ।’
मुख्यमन्त्री खगराज अधिकारीले अधिकार प्राप्तिका लागि संघ सरकारसँग मिलेर जुध्नुपर्ने बताए । गण्डकी प्रदेश सभाको स्थापना दिवसलाई सम्बोधन गर्दै उनले प्रदेशमा सत्ता र प्रतिपक्षी भए पनि संघबाट अधिकार ल्याउन सबै प्रतिपक्षी भएर काम गर्नुपर्ने बताए । ‘प्रदेशमा आ–आफ्नो पार्टी छ । तर अधिकार प्राप्त गर्ने विषयमा हामी सबै संघको प्रतिपक्षी हौं,’ उनले भने । अधिकारीले एकल सूचीका अधिकार कार्यान्वयन गर्न आफूहरु तत्पर रहेको सुनाए ।
‘साझा अधिकार केन्द्रले कानुन बनाएर दिएपछि आफ्ना कानुन बनाउन दृढतापूर्वक अघि बढ्ने छौं । २१ वटा एकल अधिकार सूची कार्यान्वयन आजैबाट सुरुआत गर्नुपर्ने छ,’ उनी भन्छन्, ‘हामी विगतका राम्रा कामलाई निरन्तरता दिनेछौं र बाँकी काममा नवीनता थप्नेछौं । प्रभावकारी प्रदेश स्थापित गर्ने कुरामा संकल्प प्रस्तुत गर्दछौं ।’
अधिकारीले संघीयता कार्यान्वयनका समस्याहरु अहिले पनि विद्यमान रहेको बताए । ‘निजामती कर्मचारीसम्बन्धी संघीय कानुन बनेको छैन । त्यसको अभावमा प्रदेशमा निजामती कर्मचारी व्यवस्थापनमा समस्या भएको छ,’ उनले भने, ‘पुलिस प्रशासन र शान्तिसुरक्षा प्रदेश मातहत भए पनि संघले प्रदेशमा हस्तान्तरण गरेको छैन । स्रोतहरु संघीय सरकार मातहत छन् र प्रदेशलाई स्रोत परिचालनमा सीमित अधिकार मात्र दिइएको छ ।’ उनले प्रदेशका भावी कार्यदिशाबारे पनि सांसद र सरोकारवालालाई सुनाए । आफ्नो कार्यकालमा राष्ट्रिय पुँजी परिचालन गरी आयात प्रतिस्थापन गर्ने, प्रादेशिक उत्पादन बढाउने र प्रशासनिक खर्च घटाउने प्रतिबद्धता जनाए ।
संघको विरुद्धमा स्वयं मुख्यमन्त्री पनि विपक्षी दलको नेता हो । पाएको अधिकार प्रयोग गर्न नपाए सत्ता पक्ष हुनुको औचित्य छैन
सुरेन्द्रराज पाण्डे
नेता, प्रमुख प्रतिपक्ष दल
निर्वतमान मुख्यमन्त्री कृष्णचन्द्र नेपाली पोखरेलले प्रदेशसभाले बनाउने कानुन व्यवहारिक हुन नसकेको बताए । ‘जनतासँग छोइएको र जनताका समस्या सम्बोधन गर्न सहयोगी कानुन चाहिन्छ,’ उनले भने, ‘कानुन बनाएरमात्रै खुसी हुने ठाउँ छैन । कार्यान्वयन महत्वपूर्ण विषय हो ।’ उच्च अदालत पोखराका कामु मुख्य न्यायाधीश डिल्लीराज आचार्यले प्रदेशसभाले हालसम्म बनाएका ऐन, कानुनको समयानुकूल संशोधन र कार्यान्वयनको अवस्थाबारे जाँच गर्नुपर्ने बताए । उनले प्रदेशबाट निर्माण भएका कानुन सबै अदालतमा पठाउन पनि सुझाव दिएका छन् । धेरैले प्रदेशका कानुन अनुसार अदालतमा रिट दर्ता र बहस नभएको गुनासो गर्दै आएका छन् ।
प्रमुख प्रतिपक्षी दल नेपाली कांग्रेस संसदीय दलका नेता सुरेन्द्रराज पाण्डेले पनि संघको केन्द्रीकृत मानसिकता विरुद्ध लड्न सबै एकै ठाउँ जुट्नुपर्ने तर्क गरे । ‘संघको विरुद्धमा स्वयं मुख्यमन्त्री पनि विपक्षी दलको नेता हो । पाएको अधिकार प्रयोग गर्न नपाए सत्ता पक्ष हुनुको औचित्य छैन । केन्द्रीय मानसिकता विरुद्ध लड्न एक ठाउँमा हुनुपर्ने अवस्था छ,’ उनले भने, ‘२ लाखको बजेट पनि संघले हाल्ने, २ लाखका बजेट प्रदेशले हाल्ने हो भने पालिकाको परिकल्पना किन गरेका छौं ? संघीयताको औचित्य यसबाट पुष्टी हुन्छ ?’ उनले संघीय संरचनाले पहिलो कार्यकाल पुरा गरिसकेको भन्दै अब प्रश्नबाट छुट पाउने अवस्था नरहेको सुनाए । ‘पहिलो पटक संघीयताको अभ्यास गरिरहेका छौं । ५ वर्ष संरचना निर्माण गर्दैमा बित्यो । अब हामीलाई नयाँ भनेर छुट हुने छैन,’ अघि भने, ‘प्रदेश सभाको औचित्यमाथि प्रश्न उठिरहेको छ । यसको औचित्य सावित गर्ने अवसर हामीसँग छ । जनताका आवश्यकतालाई छुने गरेर काम गर्न सके औचित्य प्रमाणित गर्न सक्छौं ।’
सभामुख कृष्णप्रसाद धितालले प्रदेश सभालाई व्यवस्थित गर्न आफू तत्पर रहेको सुनाए । कार्यालय निकै साँघुरो भएको गुनासो छ । उनले भवन निर्माणको प्रक्रिया तत्कालै सुरु गर्ने बताएका हुन् । प्रदेशमा हालसम्म ५९ वटा कानुन निर्माण भएको छ । २ वटा अध्यादेश पनि संसदले पारित गरिसकेको छ ।
कार्यक्रममा पूर्व सभामुख नेत्रनाथ अधिकारी, भौतिक पूर्वाधार विकास तथा यातायात व्यवस्था मन्त्री हरिबहादुर चुमान, सामाजिक विकास तथा स्वास्थ्य मन्त्री पञ्चराम गुरुङ, उपसभामुख बिनाकुमारी थापाले बोलेका थिए ।
Related News
सम्बन्धित समाचार
पोखराको काहुँडाँडामा भीषण आगलागी
बागलुङको निसीखोलामा बस दुर्घटना हुँदा ७ को मृत्यु, २० घाइते
मनाङेले लिए मन्त्रीको सपथ, टिक्ला पाण्डे सरकार ?
दीपक मनाङेलाई भाैतिक मन्त्रालय
चौथो पटक मन्त्री बन्दै दीपक मनाङे, आजै शपथ खुवाउने तयारी
hero news full width
मुख्य समाचार
सुन तस्करीमा संलग्न रहेको आरोपमा माओवादी उपाध्यक्ष कृष्णबहादुर महरा कपिलवस्तुबाट पक्राउ
गण्डकीका नयाँ प्रदेश प्रमुख भट्टले सम्हाले पदभार
चैत्र ४, २०८०विश्व पर्यटन बजारमा पोखराको ‘ब्राण्डिङ’ हुन्छ : मुख्यमन्त्री पाण्डे
चैत्र ४, २०८०बाबुरामलाई संसद सचिवालयले भन्यो : महिन्द्रराय र उमरावती माओवादीकै सांसद
चैत्र ४, २०८०दीपक मनाङेले त्यागे दलीय आबद्धता, गण्डकीको राजनीतिमा नयाँ तरंग
चैत्र ४, २०८०प्रधानमन्त्री प्रचण्ड र मुख्यमन्त्री पाण्डेले सँगै कम्मर मर्काउँदा
चैत्र ४, २०८०