जीतप्रसाद द्वा चलचित्र पुरस्कार रेम र राजारामलाई

आदर्श समाज सम्वाददाता
माघ २२, २०७९
FJA Prize rem and rajaram

पोखरा । जीतप्रसाद द्वा चलचित्र पत्रकारिता पुरस्कार रेम विक र राजाराम पौडेललाई प्रदान गरिने भएको छ ।

पत्रकार महासंघ कास्की अध्यक्ष बिमला भण्डारीको संयोजकत्वमा गठित प्रतिभा छनोट समितिले वर्ष २०७८ का लागि विक र वर्ष २०७९ का लागि पौडेललाई सो पुरस्कार प्रदान गर्ने निर्णय गरेको हो । समिति सदस्यमा संघका संस्थापक अध्यक्ष श्रीराम सिग्देल र जिफान अध्यक्ष गुञ्ज गुरुङ सदस्य थिए ।

चलचित्र पत्रकार संघ नेपाल, कास्कीले गण्डकीमा कार्यरत चलचित्र पत्रकारमध्येबाट बर्सेनि १ जनालाई सो पुरस्कार प्रदान गर्दै आएको छ । यसअघि पहिलो पल्ट संस्थापक अध्यक्ष सिग्देल सम्मानित भएका थिए । पुरस्कार राशि २५ हजार रुपैयाँ र सम्मानपत्र छ ।

पुरस्कृत हुनेमध्ये विक संघका पूर्व अध्यक्ष एवं पत्रकार महासंघ कास्की सहसचिव हुन् । उनी मेनसमाचार डटकममा आबद्ध छन् । त्यस्तै संघका सल्लाहकार पौडेल अन्नपूर्ण एफएममा कार्यरत छन् । उनी खेलकुद पत्रकार मञ्च गण्डकीका महासचिवसमेत हुन् ।

पोखराका पुराना चलचित्रकर्मी जीतप्रसाद द्वाको चलचित्र क्षेत्रको योगदान चिरस्थायी बनाइराख्न तथा चलचित्र पत्रकारको हौसला वृद्धि निवर्तमान अध्यक्ष अरुण गिरी नेतृत्व रहँदा २०७७ सालदेखि पुरस्कार वितरण थालिएको थियो ।

पुरस्कार संघको २८ माघमा हुने पाँचाैं अधिवेशन अवसरमा प्रदान गरिने संघका कार्यवाहक अध्यक्ष सन्तोष सुवेदीले बताए ।

Related News

सम्बन्धित समाचार

hero news full width