स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका र संयुक्त राष्ट्र संघीय विकास कार्यक्रम (युएनडिपी) को आर्थिक सहयोग तथा सूर्योदय क्लबकोे व्यवस्थापनमा सो तालिम भएको हो ।

तालिममा नगरका प्रमुख प्रशासकीय अधिकृत गणेशप्रसाद अर्यालले तालिमले सहभागीलाई आर्थिक कारोबार गर्न सहज हुने बताए । यस्तै, राष्ट्रिय वाणिज्य बैंकका सरोज अर्यालले मोबाइल बैंकिङ, इन्टरनेट बंैकिङ, एटिएम, क्रेटिड, मास्टर कार्डको उपयोगका बारेमा जानकारी गराए । आम्दानी र खर्चको सही कारोबार राख्न, घरमै बसेर बिजुली, पानी, इन्टरनेट लगायतको बिल बुझाउन, मोबाइलबाटै पैसा लिन र दिन र आफ्नो कारोबार सुरक्षित बनाउने विधिका बारेमा समेत प्रशिक्षित गराएका थिए ।

सूर्योदय क्लबका अध्यक्ष अनन्तकुमार श्रेष्ठले तालिममा ५७ जना सहभागी रहेको बताए ।

गएको २ वर्षदेखि यहाँ नगरपालिका र युएनडिपीको आयोजनामा हरित पुनरुत्थान तथा कोभिड–१९ प्रतिकार्य पहल परियोजना संचालनमा रहेको परियोजना प्रमुख श्रुति श्रेष्ठले जनाइन् ।