पोखरा । कस्मेटिक व्यवसायी संघ कास्कीले आफ्ना सदस्यलाई गुणस्तरीय सामान बिक्रीका लागि अनुरोध गरेको छ । संघको शनिबार नवौं वार्षिक साधारणसभा तथा पाँचौं अधिवेशनमा त्यस्तो अनुरोध गरिएको हो ।
संघ अध्यक्ष प्रेमप्रसाद सुवेदीले सौन्दर्यसम्बन्धी प्रशाधन मानवीय स्वास्थ्यसँग प्रत्यक्ष सरोकार राख्ने भएकोले तिनको गुणस्तर ख्याल गरेरमात्र बिक्री गर्न आग्रह गरे । उनले कस्मेटिक सामग्री सकेसम्म स्वदेशमा नै उत्पादित बिक्री गर्न पनि व्यवसायीसँग आग्रह गरे ।
व्यवसायीहरुलाई म्याद गुज्रेका प्रशाधन बिक्री नगर्न आग्रह गर्दै उनले त्यस्ता सामग्री फिर्ता लिइदिन डिलरसँग अनुरोध गरे । नेपाल भारत सिमा नाका व्यवस्थित नहुँदा कमसल र अवैध रुपमा सौन्दर्यसम्बन्धी सामग्री नेपाल भित्रिएको र यसले सरकारको राजस्व प्रभावित हुन पुगेको उनले बताए । उनले बैंकको चर्को ब्याजका कारण व्यवसायी मारमा परेको, घर मालिकका एकतर्फी नियमले व्यवसायी मारमा परेको र कर तिर्न जाँदा अनेक झन्झट भोग्नुपरेको गुनासो सुनाए ।
पोखरा उद्योग वाणिज्य संघ अध्यक्ष पवनकुमार प्रजापतिले कार्यक्रम उद्घाटन गर्दै संघले सदैव व्यवसायीको हकहितका लागि काम गर्दै आएको बताए । उनले बैंकको चर्को ब्याज र पोखरा महानगरले लागु गर्न लागेको पार्किङसम्बन्धी नयाँ व्यवस्थाले व्यवसायी मारमा पर्ने भनाइ राखे । बिनाविकल्प महानगर अगाडि बढ्न नसक्ने उनको तर्क छ । उनले कस्मेटिक व्यवसायी संघले गर्दै आएका कार्यको सराहना गरे ।
सौन्दर्यसम्बन्धी प्रशाधन मानवीय स्वास्थ्यसँग प्रत्यक्ष सरोकार राख्ने
कार्यक्रममा महासचिवको प्रतिवेदन प्रस्तुत गर्दै कस्मेटिक व्यवसायी संघ कास्कीकी महासचिव शारदा भुजेलले आर्थिक वर्ष २०७८/०७९ मा संस्थाले गरेका कार्यहरुको सूची पेस गरिन् । चालु आवमा सम्पन्न गर्ने विभिन्न १८ कार्ययोजना उनले प्रस्तुत गरिन् । सदस्यता विस्तार, रक्तदान कार्यक्रम, संघको कोष वृद्धि, विद्यार्थी सम्मान, करसम्बन्धी सचेतना, शुभकामना आदानप्रदान, व्यावसायिक एकताका लागि अन्तरक्रिया लगायत कार्यक्रम कार्ययोजनामा समेटिएका छन् ।
यसैगरी, औद्योगिक अवलोकन भ्रमण, वैज्ञानिक घरभाडाका लागि सम्बन्धित पक्षसँग छलफल गर्ने, म्याद नाघेका प्रशाधन फिर्ताका लागि वितरकसँग सहजीकरण, वनभोज र भैलो कार्यक्रम संचालन, प्रदेशस्तरको व्यावसायिक संगठन स्थापना जस्ता विषय पनि महासचिवको कार्ययोजनामा छन् ।
कार्यक्रममा दश जोड दुईको पढाइमा उत्कृष्ट नजिता ल्याएका प्रशान्त भण्डारी र जेनिशा तिमिल्सिनालाई सम्मान गरिएको थियो । यसैगरी पुराना व्यवसायीको रुपमा संघका सल्लाहकार जगदीशप्रसाद अधिकारीलाई पनि सम्मान गरियो । पोखरा उद्योग वाणिज्य संघका अध्यक्ष प्रजापतिले उनीहरुलाई सम्मानपत्र प्रदान गरी सम्मान गरे ।
कार्यक्रममा आयोजक संघका निवर्तमान अध्यक्ष उमापति ढकाल, कपडा व्यवसायी एसोसिएसन अध्यक्ष गजेन्द्रमान श्रेष्ठ लगायतले भनाइ राखेका थिए ।
Related News
सम्बन्धित समाचार
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
भुलभुला देवीमा ट्रस्ट भवन उद्घाटन
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१