वित्तीय संस्था कर्मचारी संघमा याम

आदर्श समाज सम्वाददाता
माघ २२, २०७९
Bittiya karmachari sangd

पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।

संघको उपाध्यक्षमा कृष्णप्रसाद बराल, सचिव सन्तोष सुवेदी, कोषाध्यक्ष नवीन भण्डारी तथा सदस्यमा शंकर भण्डारी, देवी लामिछाने, मुना जिसी, नीलम लम्साल, सुनिता कार्की, गणेश आले, मञ्जु आले छन् । अध्यक्षबाट मनोनीत २ सदस्यमा कुलबहादुर तामाङ र गोपिनाथ पोखरेल छन् ।

नेपाल ट्रेड युनियन गण्डकी प्रदेश अध्यक्ष मुरारी शर्माले अधिवेशन उद्घाटन गर्दै श्रमिकको हकहितको लागि सरकार गम्भीर नभएको हुँदा सबै श्रमिक एकजुट हुनपर्ने बताए । नेपाल वित्तीय संस्था कर्मचारी संघ राष्ट्रिय समिति सदस्य ओमकार गिरीले वित्तीय क्षेत्रका कर्मचारीको हकहितको लागि राष्ट्रिय समितिले विविध कार्य गर्दै आएको दाबी गरे ।

संघका अध्यक्ष ज्ञाज शर्माले आफ्नो कार्यकालमा कोरोना महामारीको कारण संस्थाले सोचेजस्तो काम गर्न नपाएको उल्लेख गर्दै आगामी दिनमा संस्थाका गतिविधिलाई निरन्तर अगाडि बढाउनु पर्ने बताए । नवनिर्वाचित अध्यक्ष रानाभाटले वित्तीय क्षेत्रका कर्मचारीले आफ्नो अधिकार र कर्तव्यलाई आत्मसात गर्दै संस्थाको गरिमा उच्च पार्ने कार्य गर्ने प्रतिबद्धता व्यक्त गरे । अध्यक्ष ज्ञाज शर्माको अध्यक्षतामा भएको कार्यक्रममा स्वागत उपाध्यक्ष सूर्यरमण पराजुलीले र संचालन सचिव यामबहादुर रानाभाटले गरेका थिए ।

सो अवसरमा ट्रेड युनियनका जन्मदाता पूर्व प्रधानमन्त्री गिरिजाप्रसाद कोइरालाको तस्बिरमा पुष्पगुच्छा अर्पण गरिएको थियो ।

Related News

सम्बन्धित समाचार

hero news full width