पोखरा । पृथ्वीनारायण क्याम्पस पोखराको गणित विभागको विभागीय प्रमुखमा सहप्राध्यापक डा. ईश्वरमणि अधिकारी नियुक्त भएका छन् । लमजुङ घर भई हाल पोखरा बस्दै आएका उनी ३ वर्षे कार्यकालका लागि नियुक्त भएका हुन् ।

२०५४ बाट पृथ्वीनारायण क्याम्पसमा पार्टटाइम प्राध्यापन थालेका उनले २०५७ मा करार नियुक्ति पाएका थिए । अधिकारी २०६४ मा उपप्राध्यापकमा नाम निकालेका उनी २०७८ सहप्राध्यापकमा बढुवा भएका हुन् ।

अधिकारीले त्रिभुवन विश्वविद्यालयबाट विपत्तिकालीन उद्धारमा धेरैभन्दा धेरै मानिसलाई सकेसम्म छिटो उद्धार कसरी गर्न सकिन्छ भन्ने बारेको म्याथमेटिकल डिस्कसनमा (इभाकुएसेन अप्टिमाइजेसन विथ मिनिमम क्लियरेन्स टाइम) मा विद्यावारिधि गरेका छन् ।

पोखरेली युवा सांस्कृतिक प्रतिष्ठानका पूर्व अध्यक्ष अधिकारी चोटिला कविताका लागि समेत प्रख्यात छन् ।