प्रेस सेन्टर स्थापनामा पोखरामा प्रभातफेरी

आदर्श समाज सम्वाददाता
माघ १५, २०७९
press center progrem photo

पोखरा । प्रेस सेन्टर नेपालको स्थापना दिवसको अवसरमा आइतवार पोखरामा प्रभातफेरी गरिएको छ ।

प्रेस सेन्टर गण्डकी प्रदेश समिति, कास्की जिल्ला समिति र पोखरा महानगरको संयुक्त आयोजनामा पोखराको सिर्जनाचोकदेखि शहिदपार्कसम्म प्रभातफेरी गरी कोणसभा गरिएको हो ।

कोणसभामा गण्डकी प्रदेशका भौतिक पूर्वाधार, सहरी विकास तथा यातायात व्यवस्था मन्त्री हरिबहादुर चुमानले सेन्टरमा आवद्ध पत्रकारहरुले अविचलित रुपमा श्रमजीविको पक्षमा लागिरहनुपर्ने बताए ।उनले मिसन पत्रकारिताबाट सुरु भएको सेन्टरले छोटो समयमा जनपक्षिय पत्रकारितामा आफूलाई उभ्याएको बताउँदै समाजवादको यात्रा अघि बढाउन समेत संचारको भूमिका रहने औँल्याए ।प्रदेश सरकार सञ्चार क्षेत्रसँग हातेमालो गरेर नै अघि बढ्ने मन्त्री चुमानको प्रतिवद्धता छ ।

प्रेस स्वतन्त्रता सेनानी एवम् अग्रज पत्रकार कुशुमकेशव पराजुलीले क्रान्तिकारी पत्रकारहरुले शोषित पीडित जनताको मुद्दालाई सदैव प्रधानताका साथ अगाडि बढाउनुपर्ने जनाए ।

उक्त कार्यक्रममा प्रेस सेन्टर नेपालका केन्द्रीय सचिव माधव पनेरु, पत्रकार महासंघ गण्डकीका महासचिव गोविन्द सुवेदी, सेन्टर गण्डकी प्रदेश अध्यक्ष अर्जुन काफ्ले, कास्की शाखा अध्यक्ष कृष्ण दवाडी, पोखरा महानगर अध्यक्ष शिवराज बस्ताकोटी लगायतले पछाडि पारिएका वर्ग र श्रमजीवि पत्रकारको मुद्दालाई प्रेस सेन्टरले सदैव प्रमुखताका साथ उठाउँदै आएको र यसलाई निरन्तरता दिनुपर्नेमा जोड दिए ।

Related News

सम्बन्धित समाचार

hero news full width