पोखरा । गण्डकी प्रदेश नीति तथा योजना आयोग उपाध्यक्षमा डा. गिरधारि शर्मा पौडेल नियुक्त भएका छन् । संस्थापक मुख्यमन्त्री पृथ्वीसुब्बा गुरुङका पालामा समेत उनी आयोगको उपाध्यक्ष थिए । आइतबार बिहान बसेको मन्त्रिपरिषद बैठकले उक्त निर्णय गरेको भए पनि सरकारका मन्त्रीहरुले यसलाई पुष्टि गरेका छैनन् ।
खगराज अधिकारी नेतृत्वको सरकारले मन्त्रिपरिषद्का निर्णयहरु ७२ घन्टापछि मात्र सार्वजनिक गर्ने नीति बनाएकाले मन्त्रीहरु यसबारे बताउन चाहदैनन् । मुख्यमन्त्री तथा मन्त्रिपरिषद् कार्यालयका एक कर्मचारीले आइतबारको बैठकको प्रस्तावमा नीति तथा योजना आयोग उपाध्यक्ष नियुक्तिको एजेन्डा समावेश रहेको पुष्टि गरे ।
स्याङ्जाको आँधीखोला गाउँपालिका कमेरे स्थायी ठेगाना भएका पौडेल युएनडिपीसहित अन्तर्राष्ट्रिय दातृ संस्थाहरुमा काम गरेको लामो अनुभव छ । राष्ट्रिय योजना आयोगमा समेत उनी परामर्शदाताका रुपमा काम गरिसकेका छन् । अनुभवी र यसै क्षेत्रमा काम गरिसकेका डा. पौडेलको नियुक्तिले प्रदेशको आर्थिक समृद्धिमा थप टेवा पुग्ने विश्वास गरिएको छ ।
काठमाडौं रहेका पौडेलले मुख्यमन्त्रीज्यूसँग नियुक्तिको बारेमा कुरा फाइनल भइसकेको र हाल युएनडिपीमा कार्यरत रहेकाले त्यहाँ राजीनामा स्वीकृत भइसकेपछि मात्र सपथ लिने तयारी भएको बताए । उनले राजीनामा युएनडिपीको मुख्यालयमा पठाइसकेका छन् ।
संघीयता कार्यान्वयनको सुरुसँगै विविध चुनौतीका बीच गण्डकीमा डा. पौडेलले काम थालेका थिए । प्रदेशको स्थितिपत्र बनाउनेदेखि प्रथम पञ्चवर्षीय योजना उनकै पहलमा तयार भएको हो । हाल उक्त पञ्चवर्षीय योजनाको मध्यावधि समीक्षा समेत भइसकेको छ ।
पुस २५ मा खगराज अधिकारीको नेतृत्वमा सरकार गठन भए पनि नीति तथा योजना आयोग उपाध्यक्षमा नियुक्ति हुन सकेको थिएन । मुख्य न्यायाधिवक्ता भने यसअघि सरकारले नियुक्त गरिसकेको छ । योजना आयोगको उपाध्यक्ष मुख्यमन्त्री तथा सरकारको आर्थिक सल्लाहकार हो । यसमा नियुक्तिमा ढिलाइ हुँदा मन्त्रालयगत रुपमा भएका प्रगतिको समीक्षाका साथै सरकारले आगामी दिने विकास रणनीति बन्न सकेको छैन ।
Related News
सम्बन्धित समाचार
लोकतन्त्रका १८ वर्ष : लोकतन्त्रले छोएन लोकलाई
कामचलाउ सरकारको आयु लम्बियो
गण्डकी सरकारविरुद्दको मुद्दा हेर्दाहेर्दैमा, आज टुंगो लागेन
कतारी राजा नेपाल आउने दिन भोलि सार्वजनिक बिदा
गण्डकी सरकार विरुद्धको रिट सपना र सारंगाको बेन्चमा
hero news full width
मुख्य समाचार
मुग्लिन–पोखरा सडक विस्तार : म्याद सकियो, काम अधुरै
कास्कीका सहकारी पीडित एउटै मोर्चामा : बन्यो संयुक्त संघर्ष समिति
वैशाख १०, २०८१अधिकारी सरकारको भविष्य के होला ? सर्वाेच्चमा सुनुवाइ आज
वैशाख १०, २०८१कास्कीका सहकारी पीडित एउटै मोर्चामा, बन्यो संयुक्त संघर्ष समिति
वैशाख ९, २०८१मिटरमा जान नमान्ने ट्याक्सी फन्दामा
वैशाख ९, २०८१मन्त्री चुमानले सम्हाले अर्थ मन्त्रालयको कार्यभार, लगानी सम्मेलन प्राथमिकतामा
वैशाख ९, २०८१