रोशनबहादुर गाहा गण्डकी सरकारको प्रवक्ता

आदर्श समाज सम्वाददाता
माघ १५, २०७९
roshan gaha

पोखरा । गण्डकी प्रदेश सरकारको प्रवक्तामा आन्तरिक मामिला तथा कानुन मन्त्री रोशनबहादुर गाहा थापा नियुक्त भएका छन् । माघ ११ गते बसेको मन्त्रिपरिषद् बैठकको निर्णयबाट उनले प्रवक्ताको जिम्मेवारी पाएका हुन् । यसअघि सरकारको प्रवक्ता सीताकुमारी सुन्दास थिइन् ।

पुस २५ गते मुख्यमन्त्री खगराज अधिकारीसँगै थप ३ मन्त्रीले सपथ लिए पनि उनीहरुले जिम्मेवारी पाएका थिएनन् । उक्त मन्त्रीपरिषद्लाई मुख्यमन्त्री अधिकारीले माघ १० मा पूर्णता दिएर जिम्मेवारी समेत तोकेका थिए । त्यसको भोलिपल्ट बसेको बैठकले आन्तरिक मामिला तथा कानुन मन्त्री गाहाले प्रवक्ताको जिम्मेवारी पाएको भए पनि निर्णय भने सार्वजनिक गरिएको थिएन ।

गाहा प्रदेश सभा सदस्यमा दोहोरिएर जित्ने एमालेका एकमात्र सांसद हुन् । उनी अघिल्लै कार्यकालमा अर्थ मन्त्री बन्ने चर्चा भएर पाएका थिएनन् । अर्थमन्त्रीमा किरण गुरुङ नियुक्त भएपछि उनले जिम्मेवारी पाएनन् । पृथ्वीसुब्बा गुरुङ नेतृत्वको सरकार ढलेपछि भने गाहाले लेखा समिति सभापति भएका छन् । संविधासभा सदस्य समेत रहिसकेका उनी नवलपुरका क्षेत्र नम्बर १ ख बाट प्रत्यक्ष निर्वाचित प्रदेश सभा सदस्य हुन् ।

यो कार्यकालमा मुख्यमन्त्री समेत रहेका एमाले संसदीय दलका नेता खगराज अधिकारीले मुख्य सचेतकको जिम्मेवारी दिएका थिए । पछि फेरि अर्थ मन्त्रीका चर्चा चले पनि मुख्यमन्त्री अधिकारीले उनलाई आन्तरिक मामिला तथा कानुन मन्त्रालयको जिम्मा दिएका हुन् । सञ्चार पनि यही मन्त्रालयको जिम्मामा पर्छ ।

Related News

सम्बन्धित समाचार

hero news full width