पोखरा । सहारा क्लब पोखराद्वारा संचालित सहारा एकेडेमीलाई सहरा युकेले ५५ हजार सहयोग गरेको छ ।

तमु धिं युकेको टोलीलाई बिहीबार स्वागत कार्यक्रममा तमु धिं युके अध्यक्ष हरि गुरुङले सहारा क्लब पोखरा अध्यक्ष हरिराम गुरुङ र कोषाध्यक्ष बिनु रानामगरलाई सो रकम हस्तान्तरण गरेका हुन् ।
यस्तै, संस्थापक अध्यक्ष मीनप्रसाद गुरुङका सुपुत्र बेन्जेमेनले एकेडेमीमा आश्रित बालकहरुको खाजा तथा खानाका लागि २० हजार सहयोग गरेका थिए ।
तमुधीं युको अध्यक्ष हरि गुरुङले संस्थाले गरेका कामबाट आफूहरु प्रभावित भएको बताए ।

क्लब अध्यक्ष हरिराम गुरुङ ‘सुरज’को अध्यक्षतामा भएको कार्यक्रममा सहारा हङकङ अध्यक्ष दीपक गुरुङले स्वागत र सहरा क्लब पोखरा सचिव सुनिल रानामगरले सञ्चालन गरेका थिए ।
कार्यक्रममा नेपाल खेलकुद पत्रकार मञ्च गण्डकी अध्यक्ष दीननाथ बरालले तमु धिं युकेले स्पोर्टस् अवार्डमा गरेको सहयोगप्रति आभार व्यक्त गर्दै आगामी दिनमा पनि सहयोगको अपेक्षा गरे ।