पोखरा । ब्रह्मलीन स्वामी श्री १०८ देवानन्द वेदान्तकेसरी महाराजको ४६ औं महाप्रयाण दिवस मनाइएको छ ।

पोखरा २०, भलामस्थित साईदेव साधना कुटिरमा आयोजित कार्यक्रममा पुराणप्राज्ञ मोहन भगिरथद्वारा तयार पारिएको ‘पितृमुक्ति स्तुति संग्रह लोकार्पण गरियो । सो संग्रहको डा. भोलानारायण रेग्मीले लोकार्पण गरे ।
वेदान्तकेसरी महाराजको जीवनीबारे प्रकाश पार्दै उनका शिष्य टंकमान नापितले गुरुको रचनासहित विविध विषयमा प्रकाश पारेका थिए ।

भलामको कुटीमा ३२ वर्ष बसेका महाराजले त्यहाँ छँदा सुरम्य बगैंचा तयार पारेका थिए । उनी पोखराको फूलबारीमा जन्मेका थिए । ‘

फूलबारी’ को नामकरण पनि स्वामीजीबाटै भएको तुलाराम भन्डारीले बताए । कार्यक्रममा सन्तोष भन्डारी, राजेन्द्र कायस्थ्य, डा. भोला र मोहन साईरामले आध्यात्मिक जीवनको उच्चताबारे धारणा राखेका थिए । कार्यक्रम संचालक सूर्यसुमन थापाले गरेका थिए ।