रेन्बो एकेडेमिक होम्सको रजत जयन्ती

आदर्श समाज सम्वाददाता
माघ ११, २०७९
Rainbow (2)

पोखरा । पोखरा १५ कोलपाटनस्थित रेन्बो एकेडेमिक होम्स माविको २५ औं वार्षिकोत्सव तथा अभिभावक दिवस बुधबार सम्पन्न भएको छ । पोखराका मेयर धनराज आचार्यले पोखरा सभागृहमा आयोजित रजत जयन्ती समारोह उद्घाटन गरे ।
कार्यक्रममा प्रमुख आचार्यले संस्थागत विद्यालयमा गुणस्तरीय पठनपाठन भए पनि त्यस्ता विद्यालयले थुप्रै चुनौतीहरुको सामना गर्नुपरेको बताए । कतिपय कोणबाट यस्ता विद्यालयप्रति हेर्ने दृष्टिकोण नकारात्मक समेत भएको भन्दै उनले निजी विद्यालयका थुप्रै सकारात्मक पक्षलाई बिर्सन नमिल्ने बताए । महानगरभित्रका विद्यालयहरुमा एकरुपता ल्याउने र गुणस्तरीय शिक्षाको वातावरण सिर्जना गर्न काम अगाडि बढाउने तयारी गरिरहेको मेयर आचार्यले बताए ।
विद्यालयका प्राचार्य बाबुराम बरालले गुणस्तरीय शिक्षालाई जोड दिएर विद्यालयले शैक्षिक गतिविधि अगाडि बढाइरहेको जानकारी दिए । खेलकुद, अतिरिक्त क्रियाकलाप र विभिन्न परियोजनागत गतिविधिमा समेत विद्यार्थीलाई संलग्न गराई उनीहरुमा बृहत शैक्षिक चेतको विकास गर्न विद्यालय प्रतिबद्ध रहेको प्राचार्य बरालले बताए ।
विद्यालय व्यवस्थापन समितिका अध्यक्ष सुशीलराज पराजुलीको अध्यक्षतामा भएको कार्यक्रममा जिल्ला शिक्षा विकास तथा समन्वय इकाइ कास्कीका प्रमुख नारायणप्रसाद सुवेदी, प्याब्सन कास्कीका अध्यक्ष मथुराप्रसाद पौडेल, विद्यालय व्यवस्थापन समितिका सदस्य धनराज पुरी, पोखरा १५ का अध्यक्ष तोरणबहादुर बानियालगायतले बोलेका थिए ।
कार्यक्रममा २०७६ सालदेखि २०७९ सालसम्मका उत्कृष्ट विद्यार्थीलाई पुरस्कार पनि प्रदान गरिएको थियो । विद्यार्थीहरुले सांस्कृतिक कार्यक्रम, विविध नृत्य र गायन कला पनि प्रस्तुत गरेका थिए । कार्यक्रमस्थलमा विद्यालयका विद्यार्थीहरुले साइन्स प्रदर्शनी पनि आयोजना गरेका थिए । सहप्राचार्य खेमनारायण ढकालले संयोजन गरेको कार्यक्रम सञ्चालन विश्वराज रसाइलीले गरेका थिए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width