पोखरा ।  नेपाल आयुर्वेद स्वास्थ्यकर्मी समाजको केन्द्रीय अध्यक्षमा गोकुल पराजुली निर्वाचित भएका छन् । पूर्वी नवलपरासी निवासी  वरिष्ठ कविराज निरीक्षक पराजुलीले आफ्ना प्रतिस्पर्ध‍ी राम श्रेष्ठ राय यादवलाई पराजित गरेका हुन् । पराजुलीले २ सय १२ मत ल्याएर विजयी हुँदा  रायले १ सय ८१ मत पाए ।

२५ जनाको केन्द्रीय समिति रहेको आयुर्वेद समाजको वरिष्ठ उपाध्यक्षमा महेश थापा, महिला उपाध्यक्ष सविता निरौला श्रेष्ठ, गैरसरकारी तर्फको उपाध्यक्षमा यमलाल भट्टराई विजयी भए ।

महासचिवमा नवीनकिरण भुसाल निर्वाचित भए ।  कोषाध्यक्षमा धिरेन्द्र कुमार सिंह, सचिब खुल्लामा राम नारायण प्रसाद र गैरसरकारी सचिवमा श्याम सुन्दर झा निर्वाचित भएका छन्। नेपाल आयुर्वेद स्वास्थ्यकर्मी समाजमा देशभरका १० हजार स्वास्थ्यकर्मी आबद्ध छन् ।