पोखरा लिंकन कलेजमा स्पोर्टस् मिट

आदर्श समाज सम्वाददाता
माघ १०, २०७९
pokhara lincon collage

पोखरा । पोखरा लिंकन इन्टरनेसनल कलेजमा बिबिए र बिएचएम संकायका विद्यार्थीबीच खेलकुद प्रतियोगिता भएको छ । कलेजको खेलमैदानमा भएको प्रतियोगिता कलेजका कार्यकारी निर्देशक राजकुमार गुरुङ, संस्थापक अध्यक्ष शेरबहादुर गुरुङ र संस्थापक प्राचार्य पम्फा गुरुङले रेफ्रीलाई बल हस्तान्तरण खेल उद्घाटन गरेका थिए ।

स्पोर्टस् मिटमा फुटबल, भलिबल, बास्केटबल, टेबल टेनिस र डोरी तान्ने प्रतियोगिता सञ्चालन गरिएको थियो ।

फुटबलमा १२, भलिबलमा ८, बास्केटबलमा (छात्र छात्रा गरी) ११ टिम सहभागी थिए । टेबल टेनिस सिंगलमा २४ जना, टेबल टेनिस डबल्समा १४ टिम र डोरी तान्ने खेलमा ७ टिम सहभागी थिए ।

फुटबल छात्रातर्फ बिएच एम प्रथम, बिबिए दोस्रो भए भने फुटबल छात्रतर्फ बिबिए प्रथम सेमेस्टर प्रथम, बिएचएम छैटौं सेमेस्टर ए दोस्रो भए । बास्केटबल छात्रमा बिएचएम दोस्रो सेमेस्टर ए प्रथम र बिबिए चौथो सेमेस्टर दोस्रो भएका थिए ।

बास्केटबल छात्रातर्फ टिम ए ले प्रथम स्थान हासिल गर्न सफल भएको थियो । भलिबल छात्रतर्फ बिएचएम चौथो सेमेस्टर बि ले प्रथम र बिएचएम चौथो सेमेस्टर ए दोस्रो स्थानमा रह्यो । भलिबल छात्रातर्फ बिएचएमको टोली प्रथम स्थान हासिल गर्न सफल भए ।

टेबल टेनिस डबल्समा अमीस ढकालको टोलीले प्रथम र सन्देस रानाको टोलीले दोस्रोे स्थान हासिल गरेको छ । टेबल टेनिस सिंगल छात्रतर्फ अमीस ढकाल प्रथम भए भने आभाष थापा दोस्रो भए । टेबल टेनिस सिंगल छात्रातर्फ अमीशा गुरुङले प्रथम स्थान र सुमीना गुरुङले दोस्रो स्थान हासिल गरे । रस्साकसीमा बिएचएम प्रथम सेमेस्टरले प्रथम स्थान र बिएचएम छैटौं सेमेस्टरले दोस्रो स्थान हासिल गरे ।

पोखरा लिंकन इन्टरनेसनल कलेजले १ दशकदेखि मलेसियाको लिंकन युनिभर्सिटीबाट सम्बन्धन प्राप्त गरी नेपालको शिक्षा मन्त्रालयबाट अनुमतिप्राप्त र त्रिभुवन विश्वविद्यालयबाट समकक्षता प्राप्त अन्तराष्ट्रियस्तरको डिग्री सञ्चालन गरिरहेको छ ।

Related News

सम्बन्धित समाचार

hero news full width