प्रभुका हेलिकोप्टरलाई उडानमा रोक

आदर्श समाज सम्वाददाता
माघ १०, २०७९
Prabhu

पोखरा, १० माघ । नेपाल नागरिक उड्डयन प्राधिकरणले प्रभु हेलिकप्टरको सम्पूर्ण उडानमा रोक लगाएको जनाएको छ । अर्को निर्णय नआउन्जेलसम्म यस्तो रोक कायम हुने प्राधिकरणले बताएको छ । गत माघ ५ गते विना अनुमति स्याङजा जिल्लाको वालिङ खेल मैदानमा हेलिकप्टर अवतरण गरेको भन्दै प्राधिकरणले यस्तो कदम चालेको हो ।

अर्को आदेश नभएसम्मका लागि उक्त हेलिकप्टरका पाइलटलाई समेत उडानमा रोक लगाइएको र प्राधिकारणले घटनाबारे छानबिन समेत गरिरहेको जनाएको छ । अवतरणको क्रममा विवाद हुँदा पाइलट रानेश डंगोलमाथि स्थानीयले कुटपिट समेत गरेको खबर बाहिर आएको थियो । कम्पनीको नियम तथा कार्यविधि विपरित मानिस भेला भएको ठाउँमा हेलिकोप्टर अवतरण गराएको भनाई प्राधिरणको छ । हेलिकप्टरका पाइलटमाथि अभद्र व्यवहार गरेको आरोपमा ६ जनालाई प्रहरीले पक्राउ गरेको छ। जिल्‍ला प्रहरी कार्यालय स्याङ्जाले चार जना यात्रु र २ जना कुटपिटमा संलग्नलाई पक्राउ गरेको हो ।

Related News

सम्बन्धित समाचार

hero news full width