उपन्यायाधिवक्ता गिरी सेवा निवृत्त

आदर्श समाज सम्वाददाता
माघ ९, २०७९
govinda giri

पोखरा । उपन्यायाधिवक्ता गोविन्द गिरी सोमबारबाट सेवा निवृत्त भएका छन् । गण्डकी प्रदेश मुख्यन्यायाधिवक्ताको कार्यालयका प्रमुख रहेका गिरीले उमेर हदका कारण अनिवार्य अवकाश पाएका छन् ।

२०५५ सालमा नायव सुब्बाबाट निजामती सेवामा प्रवेश गरेका गिरीले १५ महिनापछि २०५७ सालमा सरकारी वकिलतर्फ शाखा अधिकृतमा नाम निकालेका थिए । १४ वर्षसम्म अधिकृत रहेका उनी साढे ९ वर्ष उपसचिव पदमा रहेर काम गरे ।

कार्यालयबाट बिदाइ भएपछि गिरीले फेसबुकमा लेखेका छन्, ‘जीवनको उर्वर समय करिब २४ वर्ष निजामती सेवामा रही आज सेवा निवृत्त भएको छु, यस सेवामा प्रवेश गर्न प्रेरणा र आशीर्वाद दिने मेरा हाल दिवंगत बुवाआमा, परिवार र सुभेच्छुकप्रति सम्झना गर्न चाहन्छु । राष्ट्र सेवाको सन्दर्भमा सहयोग गर्नुहुने सम्पूर्ण व्यक्तित्वहरुमा हार्दिक कृतज्ञता व्यक्त गर्दछु ।’

निजामती सेवामा प्रवेश गर्नुअघि गिरी प्राध्यापन पेसामा थिए । अब केही समय आराम गर्ने र त्यसपछि वकालत पेसामा लाग्ने योजना उनले सुनाए । निर्मलपोखरी घर भएका गिरी अहिले पोखरामा बस्दै आएका छन् ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width