पोखरा । निवृत्त शिक्षक समुदाय कास्कीको रजत जयन्तीको सन्दर्भ पारेर शनिबार माध्यमिक विद्यालय तहस्तरीय वक्तृत्वकला प्रतियोगिता आयोजना गरेको छ ।

प्रतियोगितामा छोरेपाटन माविकी गायत्री गौतम प्रथम, महेश्वरी मावि पुम्दीकी आकांक्षा बराल द्वितीय, महेन्द्र माबि नयाँबजारका विशाल खड्का तृतीय भए । कालिका मावि रामबजारकी वासना सुवेदी, संस्कृत मावि बगरका सौरव पौडेल, अमरसिंह माविकी सदीक्षा पौडेलले सान्त्वना स्थान हासिल गरेका थिए ।

प्रतियोगितामा प्रथम, द्वितीय, तृतीय र सान्त्वना स्थान हासिल गर्ने विद्यार्थीले क्रमशः १० हजार, ७ हजार, ३ हजार र १ हजार प्राप्त गरे । प्रतियोगिता निर्याणक समिति संयोजक नारायण परिश्रमी र सदस्यहरु रामराज रेग्मी र भुवनेश्वर शर्मा रहेका थिए । प्रतिस्पर्धामा १८ विद्यालयको सहभागिता थियो ।

संस्थाका अध्यक्ष छबिलाल आचार्यको अध्यक्षतामा भएको कार्यक्रममा सल्लाहकार रामराज रेग्मी, क्षेत्रबहादुर कुँवर, दामोदर पराजुली, उपाध्यक्ष नरबहादुर गुरुङ र शिक्षक वामदेव पौडेलले बोलेका थिए । नवप्रभाव मावि नयाँबजारमा भएको कार्यक्रम सचिव शेषकान्त आचार्यले सञ्चालन गरेका थिए । निवृत्त शिक्षक समुदायको रजत जयन्ती समारोह माघ २८ हुने भएको छ ।