धर्मस्थली सहकारीको स्थापना दिवस

आदर्श समाज सम्वाददाता
माघ ७, २०७९
Stapana diwasd

पोखरा । पोखरा–५ स्थित धर्मस्थली बचत तथा ऋण सहकारीले १६ औं स्थापना दिवस विविध सामाजिक कार्यसहित मनाएको छ ।

पोखरा ५ का अध्यक्ष विष्णुप्रसाद बरालले धर्मस्थली सहकारी अगाडि निर्माण गरिएको २ वटा चौतारी उद्घाटन गरे । धर्मस्थली सहकारी, हरिप्रसाद पराजुलीद्वारा स्थापित भोजराज यमकला पराजुली स्मृति कोष र संस्थाका कर्मचारी सविता भटृराई अधिकारीको विशेष सहयोगमा ५५ हजार लागतमा चौतारी निर्माण गरिएको हो ।

पूर्व अध्यक्ष कृष्णमणि भुत्र्यालद्वारा स्थापित चन्द्ररत्न स्मृति ट्रस्टबाट वाराही माविका कक्षा १२ मा अध्ययनरत विक्रम विक, छात्रा एलिसा पौडेल, धर्मस्थली आधारभूत विद्यालयका कक्षा ५ की छात्रा भूमिसा मगर तथा कक्षा ७ का छात्र सक्सेस तिमिल्सिनालाई १० हजार बराबरको गरिब तथा जेहन्दार छात्रवृत्ति प्रदान गरिएको छ । यस्तै सोकृति कोइरालाद्वारा स्थापित सोकृती छात्रावृत्ति कोषबाट धर्मस्थली आधारभूत विद्यालयकी छात्रा रितिशा अधिकारीलाई २ हजार ५ सय बराबरको छात्रावृत्ति उपलब्ध गराइएको छ ।

संस्थाका अध्यक्ष नारायणप्रसाद गौतमद्वारा स्थापित चन्द्रकान्त गौतम स्मृति कोषबाट पोखरा–५ पस्र्याङस्थित ज्येष्ठ नागरिक मिलन केन्द्रलाई १० हजार नगद सहयोग गरिएको छ ।
कार्यक्रममा शिक्षाविद् एवं संस्थाका पूर्व सल्लाहकार हेरम्बप्रसाद कोइराला, संस्थापक अध्यक्ष कृष्णमणि भूत्र्याल, पोखरा महानगर कार्यपालिका सदस्य हरिमाया विक र सल्लाहकार तथा व्यवसायी पुरुषोत्तमप्रसाद पराजुलीले बोलेका थिए ।

संस्थाका अध्यक्ष नारायणप्रसाद गौतमको अध्यक्षतामा भएको कार्यक्रममा प्रबन्धक कृष्णप्रसाद पराजुलीले स्वागत तथा सचिव कृष्णप्रसाद कोइरालाले सञ्चालन गरेका थिए ।

Related News

सम्बन्धित समाचार

hero news full width