हत्याकाण्डका प्रतिवादी ६ वर्षपछि पक्राउ

आदर्श समाज सम्वाददाता
पौष २९, २०७९
crime lamjung

लमजुङ । लमजुङमा प्रहरीले कर्तव्य ज्यान मुद्दाका फरार प्रतिवादीलाई ६ वर्षपछि पक्राउ गर्न सफल भएको छ । पक्राउ पर्नेमा राइनास नगरपालिका–९ का ४२ वर्षीय बेलराम गुरुङ हुन् ।

जिल्ला प्रहरी कार्यालय, लमजुङले बिहीबार कार्यालयमा पत्रकार सम्मेलन गरी ती अभियुक्तलाई सार्वजनिक गरेको हो ।

उनीमाथि २०७४ मंसिर ११ गते राति साढे ९ः३० बजेको समयमा सोही नगरपालिका–९, कुडुले गाउँ बस्ने ५४ वर्षीय हितमान श्रेष्ठलाई चारपाटे दाँउरा (काठ) ले टाउकोमा प्रहार गरी मारेको अभियोग छ । घटनालगत्तै उनी फरार थिए । जिल्ला प्रहरी कार्यालयका प्रमुख प्रहरी नायव उपरीक्षक प्रकाश श्रीमलका अनुसार निजले छिमेकी जिल्ला चितवनमा पहिचान समेत लुकाई अर्कै नामको परिचय बनाई लुकिछिपि बस्ने गरेका थिए ।

श्रीमलले भने, ‘लमजुङबाट खटिएको विशेष अनुसन्धान प्रहरी टोलीले प्रतिवादी बेलराम गुरुङलाई चितवन प्रहरीको सहयोगमा पक्राउ गरेको हो । उनलाई भरतपुर–१६ विजयनगरस्थित आशमान गुरुङको नाउँमा लुकिछिपि बसेको अवस्थामा पुुस २७ गते पक्राउ गरिएको हो ।’

जिल्ला प्रहरी कार्यालय लमजुङ सूचना अधिकारी प्रहरी निरीक्षक जगदिश रेग्मीले भने, ‘पक्राउ परेका गुरुङविरुद्ध लमजुङ जिल्ला अदालतमा पेस गरी पहिलो पटक ५ दिनको म्याद अनुमति लिई कर्तव्य ज्यानसम्बन्धी मुद्दामा थप अनुसन्धान कार्य सुरु गरिएको छ ।’ मुलुकी अपराध संहिता, २०७४ को ज्यानसम्बन्धी कसूरअन्तर्गत कर्तव्य ज्यान मुद्दा चलाउने प्रहरीको तयारी छ । मुलुकी अपराध संहिता, २०७४ को सो दफा अनुसार कर्तव्य गरी मानिस मार्ने व्यक्तिलाई जन्मकैदको सजाय हुने कानुनी व्यवस्था छ । लमजुङ प्रहरीले पुस महिनामा मात्र विभिन्न मुद्दाका २० जना अभियुक्त पक्राउ गरेको जानाएको छ ।

Related News

सम्बन्धित समाचार

  • पोखरामा पनि आत्मदाह प्रयास, जलेर २ घाइते

    आदर्श समाज सम्वाददाता माघ १५, २०७९
    पोखरा । पोखरामा पनि एक युवकले आत्मदाह प्रयास गरेका छन् । पेट्रोल छर्केर आत्मदाह प्रयास गरेका उनलाई बचाउन खोज्ने अर्की…
  • प्रहरी हुँ भन्दै ७ लाख ठगी

    आदर्श समाज सम्वाददाता माघ १३, २०७९
    लमजुङ । लमजुङ प्रहरीले ठगी आरोपमा एक युवकलाई पक्राउ गरेको छ । पक्राउ पर्नेमा मस्र्याङ्दी गाउँपालिका–१, घनपोखरामा स्थायी बसोबास भएका…
  • लागु औषधसहित पक्राउ

    आदर्श समाज सम्वाददाता माघ ११, २०७९
    पोखरा । कास्की प्रहरीले लागु औषधसहित एक युवकलाई पक्राउ गरेको छ । पक्राउ पर्नेमा पोखरा २० घर भइ हाल पोखरा…
  • महतोलाई पक्राउ गर्न प्रहरीलाई गृहको निर्देशन  – पत्रसहित

    आदर्श समाज सम्वाददाता माघ ६, २०७९
    काठमाडौ‌ं । गृहमन्त्रालयले महोत्तरी जिल्लाको गौशाला नगरपालिका–२ का लक्ष्मी महतो कोइरीलाई कानुन बमोजिम पक्राउ गरी कारवाही गर्न प्रहरीलाई निर्देशन दिएको…
  • पलले पाए तनहुँ जिल्ला अदालतबाट सफाइ

    आदर्श समाज सम्वाददाता माघ ३, २०७९
    पोखरा । नावालिकामाथि जबर्जस्ती करणी अभियोगमा मुद्दा खेपेका अभिनेता पल शाहले तनहुँ जिल्ला अदालतबाट सफाइ पाएका छन् । उनलाई मंगलबार जिल्ला…

hero news full width