डाइलोसिस सेवा बिस्तार गर्ने गण्डकी मन्त्रिपरिषद् बैठकको पहिलो निर्णय

आदर्श समाज सम्वाददाता
पौष २५, २०७९
cm khagraj adhikari

मुख्यमन्त्रीको पदभार ग्रहण गर्दै खगराज अधिकारी। तस्बिरः धनबहादुर गुरुङ

पोखरा, २५ पुस । एमालेका खगराज अधिकारी नेतृत्वको गण्डकी प्रदेशको सोमबार साँझ नै मन्त्रिपरिषद् बैठक बसेको छ । मन्त्रिपरिषद्को पहिलो बैठकले स्वास्थ्य सेवामा ध्यान दिंदै गण्डकी प्रदेशमा डाइलोसिस सेवा बिस्तार गर्ने पहिलो निर्णय गरेको छ।

नवनियुक्त मुख्यमन्त्री खगराज अधिकारीको अध्यक्षतामा बसेको बैठकको निर्णय सुनाउँदै सरकारका प्रवक्ता बिनाविभागीय मन्त्री सीता सुन्दासले डायलोसिस सेवा आवश्यक पर्ने बिरामीलाई प्रदेशमातहतका ११ जिल्लाका अस्पतालमा डायलोसिस सेवा बिस्तार गर्ने निर्णय भएको जानकारी दिइन् ।

६० सदस्यीय प्रदेशसभामा ३३ सदस्यको हस्ताक्षरसहित मुख्यमन्त्रीको दाबी पेस गरेका एमाले संसदीय दलका नेता अधिकारी सोमबार अपरान्ह मुख्यमन्त्री नियुक्त भएका हुन् । उनलाई प्रदेश प्रमुख पृथ्वीमान गुरुङले नेपालको संविधानको धारा १६८(२) बमोजिम मुख्यमन्त्री नियुक्त गरेका हुन् ।

साथै नवनियुुक्त मुख्यमन्त्री अधिकारीले एमालेसहित माओवादी र राप्रपाबाट ३ जनालाई मन्त्री नियुक्त गरेका थिए । जसमा माओवादी केन्द्रका हरिबहादुर चुमान (तनहुँ), राप्रपाका पन्चराम गुरुङ (स्याङ्जा) र एमालेकी सीता सुन्दास (स्याङ्जा) मन्त्री बनेका हुन् । चुमान प्रदेशमा पुरानै मन्त्री भए पनि गुरुङ र सुन्दास नयाँ अनुहार हुन् ।

Related News

सम्बन्धित समाचार

hero news full width