पोखरा । मोफसलको प्रतिष्ठित २२ औं आहा ! रारा पोखरा गोल्डकप फुटबल प्रतियोगिता बिहीबारदेखि पोखरामा सुरु भएको छ । २ दशकदेखि निरन्तर आयोजित यो प्रतियोगिताले यहाँको खेलपर्यटनमा ठूलो महत्व राख्छ ।
पोखरा रंगशालामा १० दिनसम्म चल्ने फुटबल प्रतियोगितामा विभिन्न १० टिमले भाग लिएका छन् । बेलुन उडाएर प्रतियोगिता उद्घाटन गर्दै पोखरा महानगरपालिकाका प्रमुख धनराज आचार्यले पोखरा खेलकुदको सहरको रुपमा विकास भएको बताए । उनले १ जनवरीमा यहाँ अन्तर्राष्ट्रिय विमानस्थल उद्घाटनसँगै खेलपर्यटनले थप टेवा दिने विश्वास राखे ।
उद्घाटन समारोहमा एन्फा उपाध्यक्ष वीरबहादुर खड्काले यसपालि देशका ३ ठाउँमा ए डिभिजन लिग खेलाउने तयारी भएको बताए । यस्तै, राखेप बोर्ड सदस्य राजेश गुरुङ, प्रतियोगिता मुख्य प्रायोजक हिमश्री फुड्स प्रालिका निर्देशक प्रकाश केसी, आयोजक सहारा क्लब अध्यक्ष हरिराम गुरुङ (सुरज), वरिष्ठ उपाध्यक्ष विश्वराज बराल, महासचिव रामजीप्रसाद अधिकारीलगायतले बोलेका थिए ।
यसपालि सर्वोत्कृष्ट राष्ट्रिय फुटबल खेलाडी पुरस्कार (५० हजारसहित) अनन्त तामाङलाई प्रदान गरियो । यसबैचीच, सहारा फुटबल एकेडेमीको लागि सहारा क्लब हङकङले ३ लाख सहयोग गरेको छ भने रामबजार ज्येष्ठ नारिक समाज केन्द्रबाट ५० हजार प्रदान गरेको छ । प्रतियोगिताबाट १ करोड ५९ लाख ५० हजार आम्दानी र १ करोड १३ लाख ५६ हजार रुपैयाँ खर्च हुने अनुमान रहेको क्लबको अनुमान छ । विजेताले १२ लाख र उपविजेताले ६ लाख प्राप्त गर्ने छन् । बेस्ट अफ फाइभलाई नगद पुरस्कार २५ हजार, सर्वाधिक गोलकर्तालाई २५ हजार, प्रत्येक खेलको म्यान अफ दि म्याच पुरस्कार ८ हजार तथा फाइनलको म्यान अफ दि म्याचलाई १० हजार प्रदान गरिनेछ भने टिमलाई १० हजार दिइनेछ ।
Related News
सम्बन्धित समाचार
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
पोखरामा पहिलो पल्ट मोटरसाइकल रेस, बाम्दीमा यसरी ओइरिए दर्शक
hero news full width
मुख्य समाचार
पुरानो पोखरा जोगाउन पहल: मेयर आचार्य
सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१अधिवेशन आह्वानप्रति कांग्रेसको आपत्ति, द्वन्द्व निम्तिन सक्ने चेतावनी
वैशाख ५, २०८१गण्डकी प्रदेश सभाको अधिवेशन आह्वान
वैशाख ५, २०८१गण्डकीमा अधिवेशन डाक्न सिफारिस, मुख्यमन्त्रीले विश्वासको मत लिँदै
वैशाख ५, २०८१