लमजुङ । लमजुङमा सर्वाधिक पुरस्कार राशि भएको पहिलो हुने टिमलाई पाँच लाख रुपैयाँको ३० औं त्रिवेणी कप फुटबल शुरु भएको छ । सदरमुकाम बेसीशहर– ७ स्थित फुलसाइजको सहजी खेल मैदान(त्रिवेणी रंगशाला)मा ३० औं त्रिवेणी कप राष्ट्रव्यापी खुल्ला फुटवल प्रतियोगिता शुरु भएको हो ।
गण्डकी प्रदेश सभा सदस्य भेषबहादुर पौडेलले खेलाडीलाई बल हस्तान्तरण गर्दै सो प्रतियोतिगाको उदघाटन गरे । उनले विकासले राष्ट्रको गौरव बढाउने, राष्ट्रको पहिचान राख्ने भएकाले यसतर्फ सबैले ध्यान दिनुपर्नेमा जोड दिए । उनले लमजुङ खेलको विकास गर्न आफैं नेतृत्व लिएर अघि बढ्न तयार रहेको समेत उल्लेख गरे । विभिन्न विद्यालय, क्लब, एन्फाको खेलकुद समेत सहजी खेलमैदानमा हुने भएकाले यसको स्तरउन्नतिमा सबै मिलेर लाग्नुपर्ने उनको भनाई छ । जिल्लाको आवश्यकता अनुसार स्वार्थभन्दा माथि उठेर, आग्रह पूर्वाग्रहमा नपरी जिल्लाको विकासलाई साझा मुद्दा बनाएर सबै लाग्नुपर्ने उनले उल्लेख गरे । उनले खेललाई अनुशासित, मर्यादित रुपमा सम्पन्न गराउन अनुरोध गर्नुगरे ।
जिल्ला समन्वय समितिका प्रमुख पूर्णबहादुर गुरुङले स्वास्थ्यका लागि खेलकुद आवश्यक रहेकाले खेलको विकासमा सबै जिम्मेवार बन्नुपर्ने बताउनुभयो । पूर्वाधार निर्माण, खेलाडीको क्षमता विकासमा समन्वय र सहयोगका साथ अघि बढ्नुपर्ने बताए । उनले खेलकुदको विकासमा एकताका साथ लाग्नुपर्ने, सबैको ध्यान पुग्नुपर्ने बताए । बेसीशहर नगरपालिका मेयर गुमानसिंह अर्यालले त्रिवेणी कप जिल्लाकै ठूलो र प्रभावकारी रहेको बताए । उनले मैदान बनाउन सांसदसंगै नगरपालिका सहयोग गर्न तयार रहेको बताए ।
जिल्लामा फुटबल खेलको विकास र प्रवर्धन गरी व्यावसायीकरण गर्ने र राष्ट्रिय तथा अन्तर्राष्ट्रियस्तरको खेलाडी उत्पादन गर्ने उद्देश्यले प्रतियोगिता सञ्चालन गरिएको आयोजक क्लबका अध्यक्ष विनोद गुरुङले बताए ।
विभिन्न व्यक्तित्वले शुभकामना दिएको कार्यक्रममा प्रमुख जिल्ला अधिकारी सुशील बैद्य, वडा नं. ८ का अध्यक्ष पवित्रा थापा राना, ७ का अध्यक्ष ऋषि बस्नेत, लमजुङ उद्योग वाणिज्य संघका अध्यक्ष गुणराज सिलवाललगायतको सहभागिता थियो । त्रिवेणी युवा क्लब बेसीशहरका अध्यक्ष विनोद गुरुङको अध्यक्षतामा भएको कार्यक्रममा उपाध्यक्ष इन्द्र रानाले स्वागत र सचिव प्रवीण वाग्लेले सञ्चालन गरेका थिए ।
उदघाटन पछि भएको मैत्रीपूर्ण खेल आयोजक त्रिवेणी युवा क्लब र चण्डीप्रसाद गण उदीपुरबीच भएको थियो । सो खेलमा १ का विरुद्ध ६ गोल गरी त्रिवेणी युवा क्लब बेसीशहर बिजयी भएको आयोजकको भनाई छ । बिजयी आयोजकले बिजयी भए बापत खसी प्राप्त गरेको छ । सो प्रतियोगितामा देशभरका १४ क्लबले भाग लिएका छन् ।
त्यसपछि भएको प्रतियोगिताको पहिलो खेल बुद्ध शान्ति क्लब भोटेओडार र आयोजक त्रिवेणी युवा क्लब बीच भएकोमा १– २ गोल गरी भोटेओडार टिम अघि बढेको छ ।
सो प्रतियोगितामा पहिलो हुने टिमलाई ५ लाख रुपैयाँ, त्रिवेणीकप, स्वर्णपदक र प्रमाणपत्र प्रदान गरिने आयोजकको भनाई छ । त्यस्तै, दोस्रो हुनेलाई ३ लाख रुपैयाँ, रजतपदक र प्रमाणपत्र तथा सेमिफाइनलका उपविजेता २ टिमलाई ५०/५० हजार रुपैयाँ नगद प्रदान गरिने छ । यसैगरी सर्वोत्केष्ट खेलाडी र सर्वाधिक गोलकर्तालाई १५/१५ हजार रुपैयाँ, स्वर्णपदक र प्रमाणपत्र प्रदान गरिने आयोजक क्लबका अध्यक्ष बिनोद गुरुङले बताए । उनका अनुसार अनुशासित टिमलाई ट्रफी र प्रमाणपत्रको व्यवस्था गरिएको छ भने सेमीफाइनलेखि म्यान अफ दि म्याच समेत घोषणा गरिने छ ।
Related News
सम्बन्धित समाचार
तनहुँको फ्रेन्डसीप क्लबलाई फुटबल उपाधि
लेखनाथ हाफ म्याराथनमा आर्मीका सञ्जय च्याम्पियन
वडा ४ ले जित्यो अध्यक्ष कप फुटबल
ढोलाहिटीलाई फुटबल उपाधि
बुद्ध विशालको फुटसल प्रतियोगिता
hero news full width
मुख्य समाचार
कतारी अमिर स्वेदश फिर्ता : पोखरा–कतार उडान माग
कास्कीमा एसइई उत्तरपुस्तिका परीक्षण रोकियो
वैशाख १२, २०८१गण्डकीमा डायलाइसिसका लागि अब पालो कुर्न नपर्ने
वैशाख १२, २०८१स्वदेश फर्किए कतारी अमिर
वैशाख १२, २०८१कतारका अमिरको भ्रमणसम्बन्धी खबर प्राथमिकतामा, विपिनको रिहाइ ‘मुख्य विषय’
वैशाख १२, २०८१रोजगार खोज्दै मेलामा
वैशाख १२, २०८१