पोखरा । पिएन क्याम्पसमा अन्तरसंकाय खेलकुद प्रतियोगिताअन्तर्गत ५ किलोमिटर छात्रछात्रा दौड भएको छ ।
विद्यार्थी कल्याण तथा खेलकुद शाखाले आयोजना गरेको सो प्रतियागितामा छात्रतर्फ ३२ जना र छात्रातर्फ २१ जना विद्यार्थीहरुको सहभागीता रहेको थियो ।

व्यवस्थापन (विविएस) संकायका सञ्जोग घर्तीले १७ः५१ मिनेटमा दौड सम्पन्न गरी प्रथम स्थान प्राप्त गरे ।

सोही संकायकै विवेक तिलिजाले १८ः०७ मिनेटमा दौड सम्पन्न गरी दोस्रो र आकाश थापाले १८ः५३ मिनेटमा दौड सम्पन्न गरी तेस्रो भए ।

छात्रातर्फ व्यवस्थापन (विविएस) संकायकी अनिशा भण्डारीले २५ः३६ मिनेटमा दौड पूरा गरी प्रथम, अञ्जु गिरीले २५ः५७ मिनेटमा दौड सम्पन्न गरी दोस्रो र मानविकी (विए) संकायकी सुशीला शाहीले २६ः२४ मिनेटमा दौड सम्पन्न गरी तृतीय भइन् ।

पोखरा महानगरपालिका प्रमुख धनराज आचार्यले प्रतियोगिता उद्घाटन गरेका हुन् । खेलकुदमा विश्व परिवर्तन गर्ने शक्ति भएको र यो एक आधारभूत अधिकार पनि भएकोले प्रतियोगिता आयोजना गरिएको कर्मचारी राजेन्द्र सुवेदीले बताए ।