पोखरा । अर्जेन्टिना र साविक उपविजेता क्रोएसिया फिफा विश्वकप फुटबल-२०२२ अन्तर्गत पहिलो सेमिफाइनलमा भिड्दै छन् ।

कतारको दोहास्थित लुसेल रंगशालामा नेपाली समयानुसार मंगलबार राति पौने १ बजे खेल सुरु हुनेछ । अर्जेन्टिना र क्रोएसिया दुवै टोलीले क्वार्टरफाइनलमा पेनाल्टी सुटआउटमा विजयी हुँदै सेमिफाइनलमा पुगेका हुन् । अर्जेन्टिनाले नेदरल्याण्ड्सलाई तथा क्रोएसियाले ब्राजिललाई पराजित गरेका हुन् ।

फिफा विश्वकपमा यी २ टोली यसअघि २ पटक आमनेसामने भएका छन् । सन् २०१८ मा भएको विश्वकपको समूह चरणको खेलमा क्रोएसियाले अर्जेन्टिनालाई ३–० गोलअन्तरले हराएकोमा सन् १९९८ मा अर्जेन्टिनाले १–० को जीत हात पारेको थियो ।

आजको खेललाई अर्जेन्टिनाका मेस्सी र क्रोयसियाका मोर्डिक बीचको भिडन्तको रुपमा पनि हेर्न सकिन्छ ।