लेकसाइडका होटल तथा रेष्टुरेन्टलाई स्तरीकरण लोगो

रासस
मंसिर २१, २०७९
Lakeside Hotels

फाइल तस्बिर

पोखरा । लेकसाइडस्थित होटल तथा रेस्टुरेन्टलाई सूचकाङ्कका आधारमा स्तरीकरणको ‘लोगो’ वितरण गरिएको छ । खाद्य प्रविधि तथा गुण नियन्त्रण कार्यालय, कास्कीले खाद्य स्वच्छताका आधारमा यहाँका होटल तथा रेस्टुरेन्टलाई स्तरीकरण तथा लोगो वितरण थालनी गरेको हो ।

रेष्टुरेन्ट एण्ड बार एशोसिएशन नेपाल (रेवान) र होटल एशोसिएशन नेपाल (हान) सहकार्यमा पोखराका १४ रिसोर्ट, होटल तथा रेस्टुरेन्टलाई स्तरीकरणसँगै लोगो वितरण गरिएको खाद्य अनुसन्धान अधिकृत दीपक कुँवरले जानकारी दिनुभयो । उहाँका अनुसार खाद्य स्वच्छताका आधारमा होटल रेस्टुरेन्ट स्तरीकरण गर्नेसम्बन्धी निर्देशिका, २०७४ मा भएको व्यवस्थाअनुसार विभिन्न ५० सूचकलाई आधार मानेर होटल तथा रेस्टुरेन्टको स्तरीकरण मूल्याङ्कन गरिएको हो । एउटा सूचकलाई दुई नम्बर दिएर मूल्याङ्कन गर्दा ९० भन्दामाथि अङ्क ल्याउने होटलमा अति उत्तम (थ्री स्टारसहितको हरियो), ८०–८९ अङ्क ल्याउने उत्तम (टु स्टारसहितको हरियो), ६५–८९ अङ्क ल्याउने सन्तोषजनक (वान स्टारसहित हरियो) र ५०–६४ अङ्क ल्याउनेलाई सामान्य ९पहेँलो० लोगो टाँसिने कुँवरले जानकारी दिनुभयो ।

सूचकाङ्कका आधारमा माउन्ट कैलाश, फ्रेस इलेमेन्ट, वरपीपल रिसोर्ट, होटल सरोवर, टेम्पल ट्रि रिसोर्ट र अतिथि रिसोर्टलाई उत्तम होटलले स्तरीकरण लोगो प्राप्त गरेका छन् । यस्तै मेट फाइभ, हवर क्याफे, प्याराडिसो, डुङ्गा रेस्ट्रो, मुन डान्स, होटल सहारा र होटल आइसल्याण्ड सन्तोषजनक होटलमा पर्न सफल भएका छन् ।

उपभोक्ता मञ्च गण्डकी अध्यक्ष कपिलनाथ कोइरालाले पर्यटकीय सहरमा यो अभ्यासले गणस्तरीय सेवा प्रवाहमा सहयोग पुग्ने विश्वास व्यक्त गर्नुभयो । स्तरीकरणको लोगो प्रदान भएपछि अन्य होटल तथा रेस्टुरेन्टहरू पनि जिम्मेवार भएर यसतर्फ ध्यान दिने उहाँको भनाइ छ ।
खाद्य प्रविधि तथा गुण नियन्त्रण कार्यालयका प्रमुख शिवजी बरालले आफ्नो होटल तथा रेष्टुरेन्टमा स्तरीकरणको लोगो र प्रमाणपत्र राख्का लागि व्यवसायीबाट निवेदन आएका सूचकलाई आधार मानेर स्तरीकरण गर्न सकिने बताउनुभयो । उहाँले अनुगमनका क्रममा सेवा प्रवाहमा देखिएका कमी–कमजोरी सुधार गर्न सुझाव दिने गरिएको बताउनुभयो ।

Related News

सम्बन्धित समाचार

  • मुग्लिन–पोखरा सडकखण्ड निर्माण सुस्त, पर्यटनमा मार

    आदर्श समाज सम्वाददाता माघ २१, २०७९
    पोखरा । मुग्लिन–पोखरा सडकखण्ड स्तरोन्नति कार्य अव्यवस्थित र सुस्त हुँदा पोखराको पर्यटनमा प्रत्यक्ष मार परेको गुनासो व्यवसायीले गरेका छन् ।…
  •  बागलुङको घुम्टे लेकमा भिर छिचोलेर पदमार्ग   

    आदर्श समाज सम्वाददाता माघ १५, २०७९
    गण्डकी ।  जोखिमको पर्वाह नगरी मजदुरले बागलुङको घुम्टे लेकमा पदमार्ग बनाएका छन् । राम्चेढुङ्गादेखि पदमार्ग निर्माणका लागि कामदार वनमै बास…
  • प्रभुका हेलिकोप्टरलाई उडानमा रोक

    आदर्श समाज सम्वाददाता माघ १०, २०७९
    पोखरा, १० माघ । नेपाल नागरिक उड्डयन प्राधिकरणले प्रभु हेलिकप्टरको सम्पूर्ण उडानमा रोक लगाएको जनाएको छ । अर्को निर्णय नआउन्जेलसम्म…
  • लुम्लेमा सुनगाभा कप तथा स्रष्टा सम्मान गरिने

    आदर्श समाज सम्वाददाता माघ ९, २०७९
    पोखरा । अन्नपूर्ण गाउँपालिका वडा नम्बर ६ लुम्लेमा सुनगाभा कप तथा प्रवीण गुरुङ सांस्कृतिक साँझ हुने भएको छ । सुनगाभा…
  • व्यवसाय प्रवद्र्धन गर्दै टेवान

    आदर्श समाज सम्वाददाता माघ ८, २०७९
    पोखरा । पर्यटन व्यवसायी महिल संघ नेपाल (टेवान) ले व्यवसाय प्रवद्र्धनको लक्ष्यका साथ ‘विजनेस नेटवर्किङ एन्ड फेलोसिप प्रोग्राम’ सम्पन्न गरेको…

hero news full width