पोखरा । एपेक्स कास्कीले आयोजना गरेको स्पोर्ट्स मिटको जुनियर फुटबलको उपाधि फेवाले जितेको छ । बुधबार भएको फाइनल खेलमा हेमजाको धौलागिरीलाई ५–३ गोल अन्तरले पराजित गर्दै फेवाले उपाधि जितेको हो ।

निर्धारित ५० मिनेटको खेलमा दुवै टिमले १–१ गोल गरेपछि खेल टाइब्रेकरमा प्रवेश गरेको थियो । टाइब्रेकरको पेनाल्टी सुटमा फेवाले ४ र धौलागिरीले ३ गोल गरे ।

फेवाका कोच सन्देश सापकोटाले कोचको निर्देशनलाई खेलाडीले पालना गरेर खेलेकोले उपधि जित्न सफल भएको बताए ।

टिम म्यानेजर एव अतिरिक्त क्रियाकलाप प्रमुख सन्तोष रानाभाटले राम्रो टिम बनेकाले उपाधि जितिएको उल्लेख गरे ।

विद्यालयका प्राचार्य अच्युत पाण्डेले विद्यार्थीको आत्मविश्वासले खेल जितिएको उल्लेख गरे ।