त्रिवेणी कप विजेतालाई ५ लाख !

आदर्श समाज सम्वाददाता
मंसिर २१, २०७९
triveni cup~main news

लमजुङ । त्रिवेणी कप फुटबल प्रतियोगिताको ३० औं शृंखला तयारी थालिएको छ । त्रिवेणी क्लबद्वारा मंगलबार आयोजित पत्रकार सम्मेलनमा पुस १२ देखि हुने प्रतियोगिताको उपाधि विजेतालाई ५ लाख रुपैयाँ दिइने जनाइएको छ । यति ठूलो पुरस्कार राशि भएको प्रतियोगिता जिल्लामै ठूलो भएको आयोजकको दाबी छ ।

भूपू सैनिक आवासीय माविका प्रिन्सिपल समेत रहेका क्लब अध्यक्ष विनोद गुरुङले त्रिवेणी फुटबल प्रतियोगिताको स्थापनाकालीन दिन सम्झिदै अहिले उपाधि विजेतालाई ५ लाख वितरण गर्न सक्ने हुनु आफैंमा गौरव भएको बताए ।

बेसीसहर–७ सहजी खेल मैदानमा सञ्चालन गरिने प्रतियोगिताको ५० हजार दर्शकले हेर्ने आयोजकको अनुमान छ ।

यो वर्षबाट क्वाटरफाइनलदेखि ए डिभिजन क्लबलाई स्थान दिएर खेलको स्तरोन्नति गरिने भएको जानकारी अध्यक्ष गुरुङले दिए । प्रतियोगिताबाट खेल पर्यटनको विकास, आर्थिक गतिविधिमा वृद्धि हुने उनले बताए ।

उपाधि विजेताले ५ लाखसहित त्रिवेणी कप, स्वर्ण पदक र प्रमाणपत्र प्राप्त गर्नेछ भने उपविजेताले ३ लाखसहित रजत पदक र प्रमाणपत्र प्राप्त गर्ने छ । सेमिफाइनालिस्ट २ टिमलाई ५०/५० हजार रुपैयाँ नगद र प्रमाणपत्र प्रदान गरिने छ ।

सर्वोत्कृष्ट खेलाडी र सर्वोत्कृष्ट गोलकर्तालाई जनही १५/१५ हजार र क्वाटरफाइनलदेखि प्रत्येक खेलमा म्यान अफ दि म्याच उपाधि प्रदान गरिने छ ।

प्रतियोगितामा ४७ लाख खर्च हुने अनुमान आयोजकको छ । कुनै खेलाडीले पहेंलो वा रातो कार्ड पाए क्रमशः ३ सय र ५ सय रुपैयाँ जरिवाना तिर्नु पर्नेछ । त्यसका लागि प्रत्येक टिमले अग्रिम ३ हजार रुपैयाँ धरौटी राख्ने प्रबन्ध गरिएको क्लब सचिव प्रवीण वाग्लेले जानकारी दिए । उनका अनुसार प्रतियोगितामा विशेष खेल प्रदर्शन गर्ने छनौट १६ टिमलाई मात्र सहभागी गराइने छ ।

Related News

सम्बन्धित समाचार

  • जिएमसी स्पोर्टमा ११ कलेज सहभागी

    आदर्श समाज सम्वाददाता माघ २२, २०७९
    पोखरा । गण्डकी मेडिकल कलेजले आयोजना गरेको ‘जिएमसी स्पोर्ट फेस्ट २०२३’ सकिएको छ । ५ दिनसम्म चलेको उक्त स्पोर्ट मिटमा…
  • आजदेखि बिटी कप

    आदर्श समाज सम्वाददाता माघ २२, २०७९
    पोखरा । बुद्धटोल युवा क्लबको आयोजनामा आइतबारदेखि १६ औं बिटी कप छैटौं वीरेन स्मृति सेभेन ए साइड खुल्ला फुटबल प्रतियोगिता…
  • पोखरामा ९० हजार पुरस्कारको क्यारमबोर्ड प्रतियोगिता हुने

    आदर्श समाज सम्वाददाता माघ २१, २०७९
    पोखरा । पोखरामा ९० हजार पुरस्कार राशीको क्यारमबोर्ड प्रतियोगिता हुने भएको छ । फागुनको ५ र ६ गते हुने प्रतियोगिता…
  • फेन्सिङमा गण्डकीलाई स्वर्ण

    आदर्श समाज सम्वाददाता माघ २१, २०७९
    पोखरा । पोखरा महानगरपालिका खेलकुद विकास समितिले आयोजना गरेको राष्ट्रिय इपी फेन्सिङ प्रतियोगितामा जुनियर पुरुष र महिला विधामा गण्डकीले स्वर्ण…
  • ह्विलचेयर बास्केटबलमा आयोजक विजयी

    आदर्श समाज सम्वाददाता माघ २१, २०७९
    पोखरा । पुरुष तथा महिला ह्विलचेयर बास्केटबल प्रतियोगितामा आयोजक पोखरा महानगरपालिका विजयी भएको छ । पोखरा महानगरपालिका खेलकुद विकास समितिले…

hero news full width