महानगरकै नमुना सडक !

आदर्श समाज सम्वाददाता
मंसिर २१, २०७९
pokhara 26

लेखनाथ । पोखरा २६ स्थित प्रगतिटोलको सडक ढलान तथा नाला निर्माण योजनाको सोमबार वडाध्यक्ष नरेन्द्र थापाले शुभारम्भ गरेका छन् ।

सडक निर्माण शुभारम्भ गर्दै उनले सडक तथा नाला निर्माणको गुणस्तरमा ध्यान दिन उपभोक्ता समितिलाई आग्रह गरे । उनले वडा २६ ले पिछडिएको क्षेत्रबाट विकास निर्माणको काम थालनी गरेको बताउँदै सडक महानगरकै नमूना सडक हुने विश्वास व्यक्त गरे ।

उनले सडक तथा नाला निर्माणसँगै हरियाली प्रवद्र्धनमा पनि बिशेष ध्यान दिन आग्रह गरे । वडाले विनियोजन गरेको महानगरस्तरीय योजनामध्येको ठूलो योजना भएको उल्लेख गर्दै उनले निर्माणको गुणस्तर कायम गर्न वडाका प्राविधिकको सहयोग र जनप्रतिनिधिको निगरानी रहने बताए ।

वडा सदस्य तीर्थबहादुर राजभाटले आर्थिक संकटको समयमा पनि उपभोक्ताले ठूलो हिस्सा रकम उठाएर योजना निर्माणमा चासो दिएको बताए । सडकका लागि वडाले महानगरस्तरीय योजनाअन्तर्गत ६५ लाख रुपैयाँ विनियोजन गरेको छ । उपभोक्तातर्फबाट २७ लाख ८६ हजार गरी कुल ९२ लाख ८६ हजार लागतमा सडक निर्माण हुन लागेको हो । ७ सय मिटर लम्बाई र ६ मिटर चौडाईको सडक निर्माणका लागि प्रसाद गुरुङको अध्यक्षतामा उपभोक्ता समितिको गठन भएको छ ।

कार्यक्रममा निर्माण समिति अध्यक्ष गुरुङले वडाले स्थानीयको योजनालाई सम्बोधन गरेको उल्लेख गर्दै वडा सरकारको अनुभूति गर्न पाएको उल्लेख गरे । सडक निर्माण पछि त्यस क्षेत्रका झण्डै ५ सय घरपरिवार सहितका उपभोक्ता लाभान्वित हुने छन् । पोखरा वडा २६ मा चालु आर्थिक वर्षमा संचालन हुने योजनाहरु उपभोक्ता समिति गठन भै धमाधम सुरु भएका छन् ।

Related News

सम्बन्धित समाचार

  • मानव सेवा आश्रमको महायज्ञमा दाताको ओइरो

    आदर्श समाज सम्वाददाता माघ २३, २०७९
    हेमजा । हेमजामा जारी श्रीमद्भागवत ज्ञानविज्ञान महायज्ञकमा आधा करोड बढी रुपैयाँ संकलन भएको छ । बावियाँतरास्थित मानव सेवा आश्रमको निर्माणाधीन…
  • पार्किङ खुलाको सूचना, निषेधको उद्घाटन

    आदर्श समाज सम्वाददाता माघ २३, २०७९
    पोखरा । पोखराका मुख्यबजारमा पार्किङ निषेध गर्ने पोखरा महानगरपालिका यातायात व्यवस्थापन समितिको गत साताको निर्णयले धेरै आश्चर्यमा परे । १६…
  • पोखराको रोकिएको नगरसभा सोमबारदेखि हुने

    आदर्श समाज सम्वाददाता माघ २२, २०७९
    पोखरा । पोखरा महानगरपालिकाको १२ औं नगरसभा हुने भएको छ । पुस २६ गते स्थगित भएको नगरसभा सोमबारका लागि बोलाइएको…
  • हेमजा युनाइटेडमा राजेश

    आदर्श समाज सम्वाददाता माघ २२, २०७९
    हेमजा । हेमजा युनाइटेडको शनिबार छैटौं वार्षिक साधारणसभा तथा चौंथो अधिवेशनले राजेश त्रिपाठीको अध्यक्षतामा नयाँ कार्यसमिति चयन गरेको छ ।…
  • गुणस्तरीय सौन्दर्य सामग्री बेच्न आग्रह

    आदर्श समाज सम्वाददाता माघ २२, २०७९
    पोखरा । कस्मेटिक व्यवसायी संघ कास्कीले आफ्ना सदस्यलाई गुणस्तरीय सामान बिक्रीका लागि अनुरोध गरेको छ । संघको शनिबार नवौं वार्षिक…

hero news full width