पोखरा । सामुदायिक वन उपभोक्ता महासंघ नेपालले लैंगिक हिंसा न्यूनीकरणका लागि राष्ट्रव्यापी रुपमा १६ दिने अभियान सञ्चालन गरेको छ । ‘सभ्य समाजको पहिचानः लैंगिक हिंसाविरुद्धको अभियान’ भन्ने नारासहित सञ्चालित अभियानमाअन्तर्गत सचेतना र्‍याली, अन्तक्र्रिया, कोणसभा गर्दै आएको हो ।

कास्की जिल्ला महासंघको आयोजना तथा फुर्केटारी सामुदायिक वन उपभोक्ता समूहको व्यवस्थापनमा पोखरा २५ हेमजामा ¥याली तथा कोणसभाको आयोजना गरियो ।

समाजमा हुने शारीरिक, मानसिक, यौनजन्य, आर्थिक र सामाजिक तथा सांस्कृतिक लगायत विभिन्न हिंसाविरुद्ध सिंगो समाज एकताबद्ध भएर लाग्नुपर्नेमा सभाका वक्ताले जोड दिएका थिए ।

सामुदायिक वन उपभोक्ता महासंघ नेपालका केन्द्रीय सदस्य एवं जिल्ला समन्वय समिति कास्कीका उपप्रमुख सरिता कुमालले लैंगिक हिंसा समाजको विकासको बाधक भएको बताउँदै यसको अन्त्यका लागि सामूहिक प्रयास आवश्यक रहेको बताइन् ।

महासंघका केन्द्रीय सदस्य एवं प्रचार विभाग प्रमुख हरिप्रसाद बास्तोला र गण्डकी अध्यक्ष कालीदास सुवेदीले घरघरमा हुने हिंसालाई लुकाउन नहुनेमा जोड दिंदै लैंगिक हिंसारहित समाज निर्माणमा सबैको साथ र सहयोग रहने विश्वास व्यक्त गरे ।

जिल्ला महासंघ कास्कीका अध्यक्ष विश्वनाथ लामिछानेको अध्यक्षतामा भएको कार्यक्रममा सचिव पार्वती अधिकारी सुवेदी, फुर्केटारी सामुदायिक वन समूहका सचिव रमा त्रिपाठीलगायतले लैंगिक हिंसाविरुद्धमा संगठित भएर लाग्ने प्रतिबद्धता व्यक्त गरे ।

त्यसअघि लैंगिक हिंसा तथा सामुदायिक वन अधिकारका बारेमा लेखिएका प्लेकार्डसहितको र्‍यालीले हेमजा बजार परिक्रममा गरी मध्यपहाडी लोकमार्गको मिलनचोकमा पुगेर कोणसभामा परिणत भएको थियो ।