मेलामा महिला उद्यमीका कहानी

आदर्श समाज सम्वाददाता
मंसिर २०, २०७९
pcc

पोखरा । पोखरा उद्योग वाणिज्य संघ आयोजनामा जारी समृद्धि स्टिल्स राष्ट्रिय औद्योगिक व्यापार मेला अवसरमा सोमबार ‘सेल्फ मेड महिला’ विषयक अन्तक्र्रिया भएको छ ।

कार्यक्रममा अगुवा महिला उद्यमी इन्दिरा बराल र लक्की क्षेत्री कार्कीले एउटै स्वरमा भने, ‘आलोचना गर्ने भएनन् भने प्रगति गर्न सकिंदैन ।’ उद्यमशीलता सुरु गर्दा महिलाले पनि यस्तो काम गर्न सक्छन् र ? भनेर कुरा काटेको स्मरण गर्दै उनीहरुले थपे, ‘फलोनो यस्तो भएर हिंडी, यस्तो गर्छे भन्ने कुरा काट्नेहरुलाई जितेर नै सफल भएको जिकिर पनि गरे ।

इन्दिरा पोखरामा रहेर पदयात्रा पर्यटन सुरु गर्ने अगुवा महिला व्यवसायी हुन् भने लक्की क्षेत्री कार्की महिलालाई नै पदयात्रा पथप्रदर्शक व्यवसायमा लगाउने अगुवा महिला उद्यमी हुन् । इन्दिराले पतिसँग ४० हजार पुँजी लिएर व्यवसाय थालेकी थिइन् भने लक्कीले आफू दिदीबहिनीले २ लाख रुपैयाँबाट व्यवसाय थालेको बताइन् ।

मैले धेरै कुरा सहें । केही गरेर देखाउँछु भन्ने अठोट लिएँ र सफल भएँ,’ इन्दिराले विगत सम्झिन् ।

लक्कीको भनाइ पनि उस्तै थियो । उनले भनिन्, ‘कुरा त कति काटे कति काटे तर हामीलाई काट्न सकेनन् । मैले त्यो बेला कति कुरा बुझ्न सकिनँ होला तर कसैले केही गर्छ भने उसकै कुरा काटिन्छ । तपाईं कुनै फिल्म हेर्नुहुन्छ भने त्यहाँ भिलेन पनि हुन्छ, भिलेन भएन भने हिरो हुँदैन । त्यो बेलाको कुरा अहिले मलाई त्यस्तै लाग्छ ।’ हामी तीनजना दिदीबहिनी मिलेर लेकसाइडमा गेस्ट हाउस चलाउँथ्यौं, महिला पर्यटक आउन थालेपछि महिला पथप्रदर्शकको माग हुन थाल्यो,’ हामीले त्यसमा आफैं सुदूरपश्चिम गएँ, अन्नपूर्ण बेसक्याम्प गएँ र यो व्यवसाय सुरु गरें ।’

नेपालमा सेवा क्षेत्रले ठूलो श्रमको माग रहेको र त्यहाँ महिलाले आफूलाई प्रमाणित गर्नसक्नेमा उनीहरुले विशेष जोड दिए । अन्तत्र्रिmयामा आयोजक संघका सूचना अधिकृत वासुदेव मिश्रले सहजीकरण गरेका थिए ।

प्रदर्शनी केन्द्रमा जारी मेलाअन्तर्गत मंगलबार पोखरामा स्वास्थ्य पर्यटनको सम्भावनाबारे अन्तरक्रिया हुनेछ । संघका पूर्व अध्यक्ष तथा अफिन गण्डकी अध्यक्ष अशोक पालिखे, नेपाल लेखक संघका अध्यक्ष तथा विन्ध्यवासिनी धार्मिक क्षेत्र विकास समितिका सचिव तीर्थ श्रेष्ठ र युआरल पोखराका अध्यक्ष ठाकुरप्रसाद पन्त सो कार्यक्रमका वक्ताका रुपमा रहने छन् । जसमा संचारकर्मी दीपेन्द्र श्रेष्ठले सहजीकरण गर्ने छन् । मंगलबार चर्चित गायक प्रकाश सपूतको विशेष प्रस्तुति रहनेछ । साथै कलाकार तारापति सुवेदी, मधु चापागाईं, सरिता सारुमगर, संगीता सुनार, सुमन खड्का लगायतको पनि प्रस्तुति रहने आयोजकले जनायो ।

Related News

सम्बन्धित समाचार

hero news full width