पोखरा । स्वरसम्राट नारायणगोपाल गुरुवाचार्यको ३२ औंं पुण्यतिथि अवसरमा सोमबार नारायणगोपाल स्मृति साँझ–२०७९ भएको छ ।
रेडियो अन्नपूर्ण, पोखरेली युवा सांस्कृतिक परिवार र पोखरा सांगीतिक कलाकार संघको संयुक्त आयोजनामा पोखरा उद्योग वाणिज्य संघको अमृत कक्षमा भएको स्मृति साँझमा गायकगायिका रामभक्त जोजिजु, विनोद बानियाँ, इतु जोजिजु, सन्तोष बस्याल, एमडी काले, रजनी राई र उषा गुरुङले स्वरसम्राटद्वारा संगीत तथा स्वरवद्ध गीत प्रस्तुत गरे ।
उनीहरुले मलाई नसोध कहाँ दुख्छ घाउ, गल्ती हजार हुन्छन्, केही मिठो बात गर, तिमीलाई म के भनुँ, मैले पुण्य मन पराएँ, तिम्रो जस्तो मुटु मेरो पनि, मेरो कथा खाली खाली, हिमाल सरी म अग्ली रहेछु, तिम्रो मनमा लुकेको कुरा, ए कान्छा ठट्टैमा यो बैंश जान लाग्यो, एउटा मान्छेको मायाले कति, पर्खि बसे आउँला भनि गरी एक दर्जन गीत प्रस्तुत गरे ।
उनीहरुलाई तबलामा राजा मुखिया, कि–बोर्डमा महिपाल लामा, बेस गीटारमा तेज केसी अक्टाप्याडमा विजय क्षत्री र ऋदम गीटारमा सुमन तामाङले साथ दिए । कार्यक्रममा नेपाल संगीत तथा नाट्य प्रज्ञा प्रतिष्ठान पूर्व सदस्य सचिव एवं संस्कृतिकर्मी तीर्थ श्रेष्ठले नारायणगोपाल सबैको मन मनमा बस्न सफल भएको बताए ।
रेडियो अन्नपूर्णका प्रबन्ध निर्देशक सुनयना पालिखेले नारायणगोपाल र आफ्नो परिवारबीच राम्रो सम्बन्ध रहेको स्मरण गरिन् । पोयुसाँप अध्यक्ष उपेन्द्र पौडेलले पोखराले के गर्छ भनेर सिंगो देशले नै नियाल्ने गरेको भन्दै नारायणगोपाललाई सम्झने उद्देश्यले कार्यक्रम गरिएको बताए ।
१९९६ असोज १८ मा काठमाडौें किलागलमा जन्मिएका उनको २०४७ मंसिर १९ गते ५१ वर्षको उमेरमा निधन भएको थियो । डिस्क र टेपमा गरी उनका १ सय ३६ गीत रेकर्ड छन् ।
Related News
सम्बन्धित समाचार
कथा सुन्न भक्तजनको आकर्षण
पाेखरा नयाँबजारमा श्रीमद्भागवत् ज्ञानमहायज्ञ जारी
प्रकट पगेनी ‘शिव’ को निधन
नयाँ वर्षमा एगाको सहयोग
दरौंखोला समाजको भित्तेपात्रो
hero news full width
मुख्य समाचार
हेमराज पहारी स्मृति पुरस्कारबाट सरुभक्त पुरस्कृत
गण्डकी प्रदेश सभाको बैठक अनिश्चितकालका लागि स्थगित
वैशाख ७, २०८१चोटिलो बन्दै गण्डकीको संसदीय राजनीति
वैशाख ७, २०८१पुरानो पोखरा जोगाउन पहल: मेयर आचार्य
वैशाख ६, २०८१सुदुरपश्चिममा सोडारी मुख्यमन्त्री नियुक्त
वैशाख ६, २०८१प्रेमील गजलकारको भावपूर्ण बिदाइ
वैशाख ५, २०८१