स्टेप बाइ स्टेप माविमा खेलकुद

आदर्श समाज सम्वाददाता
मंसिर १९, २०७९
step by stepf

पोखरा । स्टेप बाइ स्टेप मावि पोखरामा ३४ औं वार्षिक खेलकुद प्रतियोगिता आइतबार सुरु भएको छ । विद्यालयका संस्थापक निर्देशक रमाकान्त बरालको सभापतित्वमा सञ्चालित कार्यक्रममा विद्यालयका संस्थापक प्रिन्सिपल निर्मला बरालले विद्यालयका खेलकुद शिक्षक इच्छा गुरुङलाई फुटबललगायत खेलकुद सामग्री हस्तान्तरण गरी प्रतियोगिताको उद्घाटन गरिन् ।

संस्थापक प्रिन्सिपल बरालले खेलकुदको महत्वमाथि प्रकाश पार्दै नेपालीले आफूलाई खेलकुद मार्फत् विश्वमा धेरै ठूला सम्पन्न देशहरुलाई समेत पछाडि पारी परिचित बनाउन सफल भएको र यस विद्यालयले उत्पादन गरेका विद्यार्थी राष्ट्रिय र अन्तर्राष्ट्रिय खेलाडीका रुपमा विभिन्न क्लबहरुमा अनुबन्धित भएको बताइन् ।

विद्यालयका संस्थापक निर्देशक रमाकान्त बरालले विद्यालयले स्वास्थ्यका लागि खेल उद्गारलाई मनन् गर्दै विद्यार्थीहरुलाई खेलकुदको माध्यमबाट स्वस्थ बनाउन सकिने बताए । विद्यालयमा पढाइको साथसाथै खेलकुदको पनि ज्यादै महत्व भएकाले वर्षभरि नै समय तालिका बनाएर खेलकुद सञ्चालन गर्दै आएको उनको भनाइ थियो । विद्यार्थीहरुको खेलकुदको सीपलाई अभिवृद्धि गर्ने हिसाबले यस किसिमको खेलकुद प्रतियोगिताको आयोजना गरिएको हुनाले सम्पूर्ण विद्यार्थीहरुलाई अनुशासित भई खेलहरुमा संलग्न हुन उनले निर्देशन गरे ।

कार्यक्रममा विद्यालयका सहप्राचार्य दीपक गिरीले स्वागत मन्तव्य र विद्यालयका कोर्ओडिनेटर सूर्यप्रसाद लम्सालले भनाइ राखेका थिए । प्रतियोगिताको पहिलो दिन फुटबल, भलिबल, सय मिटर। २ सय मिटर दौड, रिले दौड, टेबल टेनिस, डोरी तान्ने खेल, चम्चा दौड, बेलुन फुटाई, मिठाई दौड आदि प्राराम्भिक चरणका खेलहरु सम्पन्न भएको थियो । विद्यालय प्रांगणका साथै मालेपाटन खेलकुद मैदानमा प्रतियोगिताका खेलहरु सञ्चालन हुनेछन् । प्रतियोगितामा विद्यालयका खेलकुद शिक्षकका संयोजकत्वमा विभिन्न शिक्षकहरुद्वारा खेलहरु खेलाउने र प्रतियोगितामा खेलका विभिन्न चरणहरु ३ दिनसम्म सञ्चालन भई यही मंसिर २० गते मंगलबार सम्पन्न हुने प्रतियोगिताका सहसंयोजक शिक्षक रामचन्द्र शर्माले बताए ।

Related News

सम्बन्धित समाचार

  • अमरसिंह माविको ६८ औं वार्षिकोत्सव

    आदर्श समाज सम्वाददाता चैत्र १४, २०८०
    पोखरा । अमरसिंह माध्यमिक विद्यालय नमूना रहेको चर्चा गरिएको छ । पोखरा–१२, रामघाट स्थित विद्यालयको मंगलवार भएको ६८ औं वार्षिकोत्सव, अभिभावक…
  • लायन्स लेखनाथमा कृष्णप्रसाद

    आदर्श समाज सम्वाददाता चैत्र १३, २०८०
    लेखनाथ । लायन्स क्लब अफ लेखनाथको २५ औं शाखा अधिवेशनले वर्ष २०२४/२५ का लागि कृष्णप्रसाद तिमिल्सेनालाई अध्यक्षका लागि चयन गरेको…
  • ‘ज्येष्ठ नागरिकलाई सम्मान गरौं’

    आदर्श समाज सम्वाददाता चैत्र १३, २०८०
    पोखरा । ज्येष्ठ नागरिकलाई सम्मान गर्नुपर्नेमा जोड दिइएको छ । ज्येष्ठ नागरिक मञ्च पोखरा ८ तथा वडा कार्यालयको संयुक्त आयोजनामा…
  • फेवा महोत्सवमा ड्यामसाइडमा पनि विविध गतिविधि

    आदर्श समाज सम्वाददाता चैत्र १३, २०८०
    पोखरा। १९ औं फेवा नव वर्ष महोत्सवलाई पर्यटकीय राजधानीको इज्जत धान्ने गरी नयाँपन प्रदान गर्न विभिन्न संघसंस्थाले सुझाव दिएका छन्…
  • ‘मादलको घिन्ताङ गुञ्जाउँछौं सराङकोट’

    आदर्श समाज सम्वाददाता चैत्र १३, २०८०
    पोखरा । पोखरा–१८, सराङकोटका महिला दिदीबहिनीहरुले आफूहरु स्वावलम्बनको मार्गमा अघि बढिरहेको बताएका छन् । वडा कार्यालयको आयोजनामा भएको महिला सशक्तीकरण…

hero news full width