गोल्डेन सहकारीको रक्तदान

आदर्श समाज सम्वाददाता
मंसिर १७, २०७९
Blood 1~final

पोखरा। गोल्डेन बचत तथा ऋण सहकारी संस्था लि., पोखराले १४ औं वार्षिकोत्सव अवसरमा शनिबार रक्तदान कार्यक्रम गरेको छ । कार्यक्रममा ६३ जनाले रक्तदान गरे ।
सहकारी रजिष्ट्रार कार्यालय गण्डकी प्रमुख रमेश घर्तीले पहिलो रक्तदाता राजु पराजुलीलाई ब्लड ब्याग हस्तान्तरण गरी कार्यक्रम आरम्भ गरेका थिए ।

रजिष्ट्रार घर्तीले पछिल्ला वर्षमा कतिपय सहकारीमा समस्या देखिन थालेको बताउँदै जिम्मेवार ढंगले संचालित सहकारीमा त्यस्तो अवस्था नरहेको जानकारी गराए । आफ्नो क्षमताभन्दा बढी सदस्य र निक्षेप थपेर संस्थालाई अनावश्यकरुपमा ठूलो बनाउन खोज्दा कतिपय सहकारीमा जटिलता थपिएको उनले बताए । ‘अहिले गण्डकीमा सहकारीसम्बन्धी दैनिकजसो केही न केही गुनासो आउन थालेको छ,’ उनले भने, ‘त्यसकारण पनि हामीले अनुगमन तीव्र पारेका छौं । राम्रो र नराम्रो तथा सहकारीको अवस्था हेरी सहकारीको वर्गीकरणको तयारी पनि थालेका छौं ।’ अस्वस्थ प्रतिस्पर्धा र गलत कार्य गर्ने सहकारी ढिलोचाँडो कारबाहीमा पर्ने चेतावनी पनि उनले बताए ।

सहकारीको ५१ करोड कर्जा लगानी छ

रेडक्रस सोसाइटी कास्की सभापति डोलराज पाण्डेयले गत फागुनदेखि गण्डकी प्रदेश सरकारको आर्थिक सहयोगमा बिरामीका लागि निशुल्क रगत उपलब्ध हुन थाल्नु सकारात्मक कुरा भएको बताए । यसैको सिको गर्दै लुम्बिनी प्रदेशले यससम्बन्धी कानुन पास गरिसकेको र वागमती प्रदेशले समेत सरकारी अस्पतालमा निशुल्क रगत उपलब्ध गराउन थालेको जानकारी गराए । रगतको सहज उपलब्धता र यससम्बन्धी अन्य कार्यका लागि सिर्जनाचोकमा सोसाइटीले विभिन्न दाताको सहयोगमा सुविधासम्पन्न र आधुनिकखालको रक्तसंचार केन्द्र निर्माण गरिरहेको जानकारी पनि उनले दिए ।

स्वतन्त्र पत्रकार संघ नेपालका अध्यक्ष कृष्णप्रसाद बास्तोलाले पछिल्ला वर्षमा नेपालमा आर्थिक समस्या गहिरिंदै गएको स्मरण गराउँदै यस्तो समस्यालाई केही रुपमा भए पनि समाधान गर्न सहकारीको भूमिका महत्वपूर्ण रहेको बताए । सहकारी सल्लाहकार महेन्द्र रिमालले सहकारीलाई मजबुत बनाउने कार्य महत्वपूर्ण हुने बताउँदै औपचारिकतालाई मात्र प्राथमिकता दिंदा अगाडि बढ्न नसकिने भनाइ राखे ।

सहकारी अध्यक्ष बालकृष्ण बरालले सहकारीले सामाजिक उत्तरदायित्वअन्तर्गत हरेक वर्ष रक्तदान कार्यक्रम आयोजना गर्दै आएको जानकारी दिए । रक्तदान गर्नु स्वास्थ्यको लागि समेत राम्रो भएको भन्दै उनले आफैंले १६ पटकसम्म रक्तदान गरेको अनुभव पनि सुनाए । सहकारी उपाध्यक्ष कृष्णप्रसाद शर्माले स्वागत मन्तव्य व्यक्त गरेको कार्यक्रमको संचालन सचिव कृष्णप्रसाद पोखरेलले गरेका थिए ।
रेडक्रस सोसाइटी रक्तसंचार केन्द्र पोखराले कार्यक्रमलाई प्राविधिक रुपमा सघाएको कार्यक्रमकी संयोजक एवं सहकारी कोषाध्यक्ष बिना गुरुङले बताइन् । सहकारी प्रबन्धक दीपक पन्तका अनुसार २ हजार ३ सय ४० सेयर सदस्य रहेको उक्त सहकारीले ५१ करोड रुपैयाँ कर्जा लगानी गरेको छ । सहकारीको ९ करोड ९१ लाख रुपैयाँ सेयर पुँजी रहेको छ । ५९ करोड ५० लाख रुपैयाँ सम्पत्ति रहेको सहकारीको बचत रकम ४२ करोड रुपैयाँ रहेको पन्तले बताए ।

Related News

सम्बन्धित समाचार

  • वित्तीय साक्षरता तालिम

    आदर्श समाज सम्वाददाता माघ २२, २०७९
    स्याङ्जा । वित्तीय कारोबार बुझाउन र प्रयोगमा सहज बनाउने उद्देश्यले पुतलीबजार नगरपालिकामा वित्तीय साक्षरतासम्बन्धी तालिम दिइएको छ । पुतलीबजार नगरपालिका…
  • राष्ट्र बैंकका प्रथम गभर्नर राणाको निधन

    आदर्श समाज सम्वाददाता माघ २२, २०७९
    पोखरा । नेपाल राष्ट्र बैंकका प्रथम गभर्नर हिमालय समशेर जबराको आइतबार (आज) निधन भएको छ । उपचारका क्रममा राणाको नर्भिक…
  • वित्तीय संस्था कर्मचारी संघमा याम

    आदर्श समाज सम्वाददाता माघ २२, २०७९
    पोखरा । नेपाल वित्तीय संस्था कर्मचारी संघ कास्कीको नवौं अधिवेशनबाट यामबहादुर रानाभाटको अध्यक्षतामा १३ सदस्यीय कार्यसमिति निर्वाचित भएको छ ।…
  • बैंक तथा वित्तीय संस्थाको धरपकडविरुद्ध व्यवसायी

    आदर्श समाज सम्वाददाता माघ २०, २०७९
    पोखरा ।  बैंक तथा वित्तीय संस्थाहरुको धरपकडविरुद्ध पोखराका उद्योगी व्यवसायी आन्दोलित भएका छन् । पोखरा उद्योग वाणिज्य संघको अगुवाइमा बिहीबार…
  • चर्को ब्याजविरुद्ध पोखरामा रिले अनसन

    आदर्श समाज सम्वाददाता माघ १९, २०७९
    पोखरा । ‘सम्पूर्ण उद्योगी व्यवसायी एवं पीडित एक हौं’ भन्दै चर्को ब्याजविरुद्ध तीनदिने अनसन सुरु गरिएको छ । सरकारको विभेदपूर्ण…

hero news full width